Emprego e Industria

Unha representación do Clúster Turismo de Galicia participou nun encontro en liña cos conselleiros de Economía, Emprego e Industria e Cultura e Turismo para traladarle unha batería de propostas específicas para un sector que representa o 10,4% do PIB galego

O presidente do CTG destacou que o sector se vai a atopar cun escenario moi diferente tras o coronavirus e necesita ferramentas para poder adaptarse aos cambios que se produzan na demanda turística e nos hábitos de consumidor

No marco dos encontros que leva mantendo o Clúster Turismo de Galicia cos diferentes departamentos e administracións vinculadas ao sector, esta tarde unha representación do Clúster Turismo de Galicia encabezada polo seu presidente, Cesáreo Pardal, mantivo unha reunión telemática cos titulares de Cultura e Turismo e con Economía, Emprego e Industria, Román Rodríguez e Francisco Conde, co obxectivo de traladarles unha batería de medidas no ámbito económico, fiscal e laboral especificamente destinadas ao sector turístico galego.

“Entendemos que é preciso tomar medidas específicas para o noso sector para mitigar na medida do posible o impacto do coronavirus sobre o armazón empresarial do sector turístico galego; medidas dirixidas a manter o emprego, axudar aos autónomos e autónomas, inxectar liquidez, flexibilizar políticas fiscais, revisar normativa e regulamentación e impulsar a resiliencia de todos os membros do sector, axudándolles a reinventarse e reorientar os modelos de negocio ante unha realidade moi diferente que nos atoparemos tras o coronavirus”, explicou Pardal.

A flexibilización e a liquidez resumen o conxunto de medidas presentadas esta tarde na ruenión conxunta celebrada con Román Rodríguez e Francisco Conde. Unhas propostas que veñen complementar as que o CTG presentou á Xunta en marzo. Entre elas o Clúster fixo fincapé en solicitar prórrogas para os ERTEs por causa maior despois do estado de alarma e a exención de non reducir persoal nos 6 meses posteriores ao final do ERTE xa que as empresas non van ter demanda para manter estes persoais.

No tocante ás políticas fiscais, desde o CTG solicítase o adiamento o maior tempo posible e sen custo as cotas da Seguridade Social e o IVE para todas as empresas e autónomos, así como unha redución dos prazos de reembolso das liquidacións que saian a devolver, ademais de facilidades para acceder ao financiamento.
“O sector trasládanos dificultades e trabas para acceder a axudas do IGAPE polo que solicitamos que estas liñas de financiamento adáptense á realidade do sector turístico, axilizando procedementos burocráticos, adaptando os requerimentos á realidade empresarial galega e flexibilizando liñas de axuda”, explicaron os representantes do CTG.

Formación e reinserción laboral

Tamén se lle trasladaron a ambos os conselleiros a necesidade de que ambos os departamentos da Xunta traballen para a posta en marcha de políticas de reinserción laboral e adquisición de competencias pola vía da formación para os traballadores do sector turístico que teñan que recolocarse noutros sectores. Neste sentido, reclaramon programas de reciclaxe e adquisición de competencias, aposta polo emprendimiento e o estudo da implantación dunha aceleradora de referencia e de ámbito autonómico.

Finalmente, e de face á situación do sector post coronavirus, a representación do Clúster destacou a necesidade de apostar máis que nunca pola implantación do TIC na empresa turística para adaptarse aos cambios que se produzan na demanda turística e nos hábitos de consumidor, dotándoos de maior capacidade de reinvención e reorientación de modelos de negocio. Ademais, lembraron á Xunta a necesidade de que aposte decididamente pola posta en marcha do Laboratorio de Innovación Turística de Galicia, que faría posible a chegada efectiva destas innovacións á empresa turística.