Promocionar o uso dos campos de golf galegos por parte dos deportistas holandeses así como promocionar o turismo de golf e a oferta turística galega a través de medios de comunicación deste país foron os obxectivos cos que Turismo de Galicia abordou a súa participación no torneo KLM Open 2016, que se celebrou neste país e no que participan os mellores xogadores de Europa.

Con estas premisas o departamento da Xunta instalou unha caseta no campo de golf de Spijk, onde se desenvolveu a proba, e no que ofreceu información turística e deportiva de Galicia así como das posibilidades que ofrece a Comunidade galega para a práctica do golf, ademais de promover o turismo galego a través de contactos cos medios de comunicación, asociacións de golfistas e operadores turísticos especializados.Cabe sinalar que na actualidade existen conexións aéreas directas entre Galicia e Holanda o que facilita o acceso á Comunidade galega dos visitantes holandeses.

O ‘KLM Open 2016’, é un torneo do Circuíto Europeo Profesional, e conta cunha participación dos mellores xogadores de Europa, así como de América, Asia, Oceanía e África, ademais de concentrar un gran número de espectadores, non só holandeses, senón de distintos países limítrofes como Bélxica, Francia, Alemaña, Reino Unido, ou Dinamarca que son de interese para o noso destino.

Facebook

Twitter

Linkedin