O recinto feiral ourensán acolleu onte a primeira reunión preparatoria do proxecto “Un descanso nos Camiños”, impulsado por Caldaria, Federación Provincial de Hostalaría de Ourense, Expourense e Balnearios de Galicia. Este proxecto conxunto é un dos cinco gañadores do Concurso de Ideas promovido pola Agrupación industrial de Turismo de Galicia en colaboración coa Axencia Galega de Turismo e propón o desenvolvemento e comercialización dun novo produto turístico baseado en estancias nos balnearios situados nos diferentes Camiños de Santiago.
Neste encontro participaron a directora adxunta de Expourense e directora de Termatalia, Emma González; o representante do Grupo Caldaria, Rafael Luaña e o xerente de Balnearios de Galicia, Benigno Amor. Estiveron acompañados polo cogerente de Autoxiro, Emilio Cuíñas, empresa especializada en servizos turísticos que se encargará dos aspectos técnicos da posta en marcha deste proxecto.
A idea é que a primeira acción deste proxecto desenvólvase durante a celebración de Termatalia, Feira Internacional de Turismo Termal, Saúde e Benestar, que terá lugar os días 19 e 20 de setembro.