• A campaña divídese en dúas vagas, de abril a maio e de outubro a novembro de 2025.
• Unha landing web, sorteos en redes sociais, unha peza audiovisual e campaña de Social e Google Ads son algunhas das accións que forman parte da campaña.

‘Galicia Destino Sostible’ dá un paso máis no seu compromiso co turismo responsable co lanzamento dunha nova campaña que convida a descubrir Galicia desde unha perspectiva máis consciente e transformadora. Baixo o lema ‘+ Galicia, + Sostible’, esta iniciativa quere lembrar que Galicia non é só un destino que se visita, senón un lugar que sente, se vive e se coida.

A campaña, promovida polo Clúster Turismo de Galicia co apoio da Xunta de Galicia – Axencia Turismo de Galicia, busca transmitir que a verdadeira viaxe non consiste en consumir lugares, senón en preservalos, deixando unha pegada emocional, non ecolóxica. A través de mensaxes que contrapoñen conceptos como ‘menos distancia, máis km 0’, ‘menos ruído, máis tranquilidade’ ou ‘menos masificación, máis turismo slow’, a acción convida a experimentar Galicia de maneira auténtica e sostible, resaltando a importancia de protexer o seu patrimonio natural, cultural e social.

A estratexia de promoción estrutúrase en dúas vagas —abril e maio, e outubro e novembro de 2025— para fomentar a desestacionalización do turismo e atraer visitantes máis alá dos meses de maior afluencia turística. Entre as accións inclúense a difusión dunha peza audiovisual principal e varias pílulas promocionais, unha campaña de paid media en Social Ads e Google Ads, banners promocionais, o lanzamento dunha landing específica, colaboracións con influencers e sorteos nas redes sociais de ‘Galicia Destino Sostible’.

Esta nova acción reforza a idea de visitar Galicia para formar parte dun territorio vivo, onde cada elección de viaxe ten un impacto positivo no presente e no futuro. Para máis información sobre ‘Galicia Destino Sostible’ e as formas de vivir Galicia de maneira consciente, pódese visitar a web oficial ou seguir os seus perfís en redes sociais.

Adhesión a ‘Galicia Destino Sostible’

GDS conta xa con máis de 135 empresas e 150 ofertas adheridas. O club de produto serve de punto de encontro entre os turistas e as empresas, facilitando o acceso á ampla oferta turística sostible de Galicia. Para sumarse á iniciativa, as empresas teñen que cumprir a lo menos un requisito habilitante (certificación de sostibilidade; Fair´n Green; Estrela Verde da Guía MICHELIN; pertenza ao proxecto Turismo Slow Norte de Galicia, ou ao Club de produto Ecoturismo de España ou una certificación ambiental: ISO 14000, EMAS, etc.) ou ben o 100% dos obrigatorios e un 33% dos valorables.

A adhesión pode solicitarse a través da web galiciadestinosostible.com. Unha vez que o comité de avaliación acepte a adhesión, a empresa xestionará as súas ofertas desde o portal e gozará das vantaxes de pertencer ao club de produto de xeito gratuíto.

Facebook

Twitter

Linkedin