A localidade pontevedresa acolle o XIII Encontro de Embarcacións Tradicionais de Galicia, que se celebra do 29 de xuño ao 2 de xullo

Co obxectivo de promocionar o patrimonio tanto cultural como histórico do mar de Galicia, Combarro acollerá do 29 de xuño ao 2 de xullo o XIII Encontro de Embarcacións Tradicionais de Galicia, unha oportunidade única para ver gran parte das tipoloxías de frota de barcos tradicionais da comunidade na que se darán cita un 100 mil visitantes, de acordo ás estimacións municipais.

O Encontro concentrará en Combarro unhas 150 embarcacións tradicionais entre as que se contan dornas, bucetas, racús ou goletas, por citar algunhas, que se exhibirán para goce do público visitante, xa que se inclúen travesías, tamén para persoas con diversidade funcional, tal e como indica a fundación organizadora do evento, a Federación Galega pola Cultura Marítima e Fluvial Culturmar que contou co apoio da Xunta de Galicia.

Ao mesmo tempo, nos espazos portuarios e prazas públicas desenvolveranse diversas actividades culturais e de lecer dirixidas a todos os participantes e visitantes como exposicións, talleres, mostras artísticas e actuacións musicais durante o catro días de celebración do Encontro, todas elas ligadas ao mar, a etnografía e o patrimonio marítimo galego.

Facebook

Twitter

Linkedin