Lugo

Xa coñecemos os finalistas da primeira edición do Concurso Provincial de Tapas de Lugo, promovido pola Asociación Provincial de Empresarios de Hostelería e Turismo de Lugo (Apehl): Casa Dauga, Río Lea, Paprica, Curruncho, A Nosa Terra e Arrocería Os Cachivaces resultados ser os escolidos para pasar á fase final do certame, según a votación popular.

Así, o público do certame decidiu que as mellores propostas foron o crocante de tartar de carne recheo de pesto de noces e queixo do Cebreiro presentado pola Casa d’Auga (Lugo), o roliño de polo con salsa de azafrán e crocante de xamón do restaurante Río Lea (Castro de Ribeiras de Lea), a salchicha de bonito de Burela con interpretación dun marmitako das súas espiñas coa que competiu o Paprica (Lugo), a Lambiscada do Curruncho A Nosa Terra (Lugo) –que tamén foi a máis votada como mellor maridaxe con Estrella Galicia– e o tataki de atún proposto pola Arrocería Os Cachivaches (Lugo).

Agora será un xurado profesional o que valore estas creacións nunha final que se celebrará do 7 ao 9 de agosto e na que o público poderá degustar de novo as tapas finalistas.

Xunto ao director técnico do concurso, Quique Rodríguez, que é editor xefe e asesor gastronómico do portal Gastronomicum.net, estarán Bárbara Buenache, chef executiva da cadena Sushimore e presidenta da Federación de Cociñeiros e Reposteiros da Comunidade de Madrid (Acyre); Rocío Garrido Caramés, autora do libro Cociñando coas razas autóctonas e do blog La cocina de mi abuelo, e Cristina Martínez “Garbancita”, divulgadora gastronómica.