• Únete ao SIMADA, o sistema para a xestión intelixente impulsado polo Clúster

O Clúster Turismo de Galicia, en colaboración coa Axencia Turismo de Galicia, continúa a impulsar a implantación de SIMADA (Sistema de Monitorización de Datos de Aloxamento), unha plataforma deseñada para reforzar a competitividade do sector aloxativo a través da análise avanzada de datos.

A ferramenta permite aos establecementos acceder a información actualizada sobre ocupación, evolución de prezos e comportamento da demanda, facilitando unha toma de decisións baseada en indicadores reais do mercado.

• Información anonimizada para mellorar planificación e rendibilidade

A través da conexión automatizada cos sistemas de xestión (PMS), SIMADA transforma os datos operativos en informes claros e comparativas útiles, entre as que destacan:

• Niveis de ocupación por zonas e períodos.
• Evolución do prezo medio.
• Análise da estacionalidade.
• Comparativas agregadas coa contorna competitiva.

Toda a información preséntase de forma anonimizada e cumprindo estritamente a normativa de protección de datos, garantindo a confidencialidade de cada establecemento participante.

A adhesión ao sistema é sinxela e non require coñecementos técnicos específicos. Cun proceso de conexión áxil, os aloxamentos poden comezar a recibir información estratéxica que contribúe a optimizar ingresos, axustar tarifas e detectar oportunidades de mercado en tempo real.

Desde o Clúster anímase aos establecementos de aloxamento de Galicia a sumarse a esta iniciativa, que reforza a dixitalización do sector e avanza cara a un modelo de xestión máis eficiente e competitivo. As empresas interesadas en sumarse poden cumprimentar o seguinte formulario habilitado.

Facebook

Twitter

Linkedin