Nova edición dos Premios Galicia Parabéns, que distinguen iniciativas de embelecemento paisaxístico

Nova edición dos Premios Galicia Parabéns, que distinguen iniciativas de embelecemento paisaxístico

Concellos, agrupacións de concellos, mancomunidades e os consorcios locais galegos que cumpran os requisitos poden presentar a súa candidatura á terceira edición dos Premios Galicia Parabéns, convocados por Turismo de Galicia para recoñecer actuacións municipais que destaquen por conservar, mellorar e embelecer as paisaxes, núcleos poboacionais e os Camiños de Santiago. Cun investimento global de 800.000 euros para 2019 e 2020, a Xunta de Galicia premia así as actuacións destinadas a mellorar as paisaxes, os núcleos poboacionais e os Camiños de Santiago dentro do territorio da Comunidade Autónoma.
Os premios están distribuídos en dúas categorías: a primeira distingue os proxectos ou actuacións realizadas no últimos dez anos para conseguir unha mellora da paisaxe cunha integración idónea de elementos arquitectónicos ou con mellora estética dos núcleos poboacionais, entre outras. Tamén se inclúen nesta categoría as iniciativas ou actuacións de embelecemento realizadas nos lindeiros das rutas dos Camiños de Santiago. A segunda categoría premia os mellores proxectos dirixidos á realización de obras de revalorización tanto para promover unha mellora da paisaxe como para intervencións nos núcleos poboacionais ou nos lindes da Ruta Xacobea. Outorgarase un premio de 400.000 euros en cada unha das categorías. O prazo de presentación de solicitudes será de dous meses contados a partir do día seguinte ao da súa publicación no DOG, onde os interesados en concorrer a estes premios poden consultar tamén as bases da convocatoria e a documentación precisa a presentar.
ACTUALIDADE
15-6-2021

Prego de condicións que rexerán a contratación dun servizo de "MELLORA DOS MECANISMOS DE COMERCIALIZACIÓN, ACTUACIÓNS DE PROMOCIÓN ONLINE E PROMOCIÓN NA CANLE DE VENDA PRESENCIAL PARA GALICIA TURISMO ACTIVO", coa colaboración da Xunta de Galicia-Axencia de Turismo de Galicia

14-6-2021

Prego de condicións que rexerán a contratación dun servizo de "CREACIÓN E CONSOLIDACIÓN DE PRODUTO TURÍSTICO VINCULADO AO CAMIÑO DE SANTIAGO DENOMINADO UN DESCANSO NOS CAMIÑOS", coa colaboración da Xunta de Galicia-Axencia de Turismo de Galicia

27-5-2021

Elixe Galicia permite ás persoas desta Comunidade facer viaxes internas cunha bonificación do 40 por cento

24-5-2021

Unhas 60 empresas xa se adheriron ás ofertas do carné xove europeo a través do Clúster de Turismo de Galicia