Así o reivindicou o seu presidente, Juan Molas, en presenza da ministra de Turismo, durante a pasada asemblea xeral da asociación.

A Asemblea Xeral da Mesa do Turismo de España, celebrada esta semana coa participación da ministra de Industria, Comercio e Turismo, Reyes Maroto, serviu para facer balance do sector e perfilar as súas perspectivas de futuro e as súas necesidades. Neste sentido, Juan Molas, presidente desta asociación que agrupa a representantes dunha vintena de subsectores turísticos, reiterou a petición ao Goberno dun PERTE (Proxecto Estratéxico para a Recuperación e Transformación Económica) turístico que alivie as perdas acumuladas polas empresas do sector tras a pandemia e axude a paliar as consecuencias do incremento dos custos.

“As contas de resultados das empresas –particularmente nos hoteis, hostalería e tamén no transporte- están a lidar cun incremento dos custos de entre o 25 e o 27 % que non poden repercutir aos prezos no preciso momento no que máis se depende de alentar a demanda”, explicou Juan Molas na súa intervención.

O presidente da Mesa do Turismo de España apuntou tamén que a inflación e as súas consecuencias sobre a demanda turística constitúe un das principais preocupacións do sector turístico para o próximo exercicio e reclamou tamén ao Goberno transparencia na xestión e o montante da nova partida dos fondos Next Generation, unha solución para o problema das colas de pasaxeiros nos controis aeroportuarios, e o fin da obrigatoriedade do uso das máscaras nas viaxes aéreas e no transporte público.

Facebook

Twitter

Linkedin