A asociación celebrará en Santiago unha xornada informativa que servirá tamén para entregar os diplomas ás empresas que conseguiron márcaa Calidade Acluxega- Galicia Calidade

O Clúster da Xeotermia Galega celebra o vindeiro venres, 4 de outubro, en Santiago de Compostela unha xornada baixo o título “A Xeotermia e a Calidade. Marca Calidade Acluxega – Galicia Calidade” na que estarán presentes responsables tanto do Clúster da Xeotermia como de Galicia Calidade e representantes de empresas asociadas. A finalidade da xornada é informativa, para promover entre as empresas e interesados as vantaxes e proceso de concesión da “Marca de Calidade Acluxega”, avalada desde o ano 2018 pola Marca Galicia Calidade, permitindo dotar ás instalacións de climatización geotérmica dun selo distintivo de calidade, garantindo o cumprimento duns estándares de calidade que superan os establecidos na normativa vixente.

O obxectivo da xornada é dar a coñecer os requisitos solicitados ás empresas para adherirse a este selo de calidade, posto en marcha de maneira recente para distinguir as instalacións de enerxía geotérmica realizadas por empresas galegas que cumpran os máis altos estándares de calidade, garantía, eficiencia e fiabilidade, a través do emprego dun selo de calidade galego amplamente reconcido como é de Galicia Calidade.

Ademais da presentación da marca e de casos de éxito de empresas adheridas a Acluxega que xa contan con este recoñecemento de calidade, a xornada tamén incluirá un acto de entrega dos diplomas a aquelas novas empresas que superaron a auditoría e que xa poden comezar a empregar a certificación de calidade.

Acluxega agrupa a todas as empresas galegas dedicadas ao mercado da geotermia co obxectivo de potenciar o coñecemento e utilización desta fonte de enerxía renovable en Galicia e España. A Asociación, que na actualidade conta cun total de 48 socios, oriéntase ao desenvolvemento dunha estratexia conxunta dos seus membros centrada na formación e na concienciación, aspirando a converterse nunha referencia no mercado geotérmico galego e nacional.

Para máis información ou incripción nas xornadas: direccion@acluxega.com ou no teléfono 886122895

Facebook

Twitter

Linkedin