As vendas sector turístico galego medrarán un 17,6% este verán fronte á prepandemia

Categorías
Etiquetas

As vendas sector turístico galego medrarán un 17,6% este verán fronte á prepandemia

  • Galicia é a sexta comunidade con maior dinamismo de vendas previstas para este período estival.
  • As empresas, equipamentos de ocio e hoteis son os que representan unha das maiores perspectivas de mellora.

 

Exceltur vén de publicar o seu informe de perspectivas turísticas para o verán e o peche de 2023. O sector turístico español incrementará as súas vendas un 10,9% no terceiro trimestre do ano con respecto ao mesmo período de 2019, na prepandemia. O crecemento de Galicia sitúase por enriba desa taxa xeral, chegando a medrar un 17,6%.

 

Nesta evolución, as empresas e actividades de ocio (medrando un 13,4%) e os hoteis (cun 12,2% máis) son os establecementos que presentan unha maior perspectiva de mellora das súas vendas. As empresas de transporte de pasaxeiros (+7,4%), de alugamento (+8,2%) e grandes grupos de axencias de viaxes (+8,8%) tamén melloran, pero con menos intensidade.

 

Por destinos, estímase que as comunidades con maior crecemento sexan Baleares (+25,8%), Asturias (+23%) e País Vasco (+21,2%). Galicia sitúase coma a sexta comunidade con maior dinamismo de vendas previstas para o verán, cun 17,6%, por diante de destinos como Andalucía (+17,5%), Comunidade Valenciana (+15,5%) ou Canarias (+15,4%).

 

Outro dos datos que achega Exceltur no seu informe é que o turismo igualará este ano a achega do PIB de 2019, ata o 12,6%. A entidade turística revisou a súa estimación do PIB turístico nominal ata os 178.831 millóns de euros, un 13,6% máis sobre o nivel de 2019.

 

Emprego turístico

 

O informe de Exceltur tamén destaca a creación dun maior e mellor emprego en xuño, cun crecemento do 6% e 126.815 novos afiliados á Seguridade Social. A taxa de temporalidade contractual nas actividades turísticas chegou a mínimos históricos, un 7,9%, a metade da media española (14,3%) con datos do mes de xuño.

 

Hai unha maior presenza de contratos fixos a tempo completo, supoñendo o 39,9% do emprego turístico, mentres que os fixos a tempo parcial compoñen un 27,2% do total turístico, e os fixos descontinuos un 24,3%.