• Un Fam Trip previo pola Coruña, Betanzos e a Reserva de Biosfera marca a principal novidade desta edición

A oitava edición de BioCultura & Ecoturismo A Coruña 2026, que se celebrará do 6 ao 8 de marzo en EXPOCoruña, dá un paso adiante na súa profesionalización cun programa específico orientado ao impulso do ecoturismo como sector estratéxico.

Entre as principais novidades deste ano destaca a organización dun Fam Trip o día previo ao inicio da feira, cun percorrido pola cidade da Coruña, Betanzos e a Reserva de Biosfera Mariñas Coruñesas. A iniciativa permitirá a turoperadores e profesionais coñecer de primeira man proxectos vinculados á rexeneración urbana, á produción ecolóxica e á integración entre cultura, natureza e gastronomía de proximidade.

O Clúster Turismo de Galicia colaborará coa organización do Fam Trip, no marco do seu compromiso co desenvolvemento dun turismo sostible e de calidade no territorio, reforzando así a dimensión profesional e estratéxica desta edición.

• Workshop con turoperadores e ampla programación especializada en turismo sostible

Outra das incorporacións relevantes é a celebración dun workshop profesional o primeiro día da feira, que facilitará encontros directos entre propostas de ecoturismo e turoperadores, favorecendo a xeración de oportunidades comerciais e a conexión entre oferta e demanda especializada.

Ademais, BioCultura & Ecoturismo 2026 contará cun amplo programa de actividades, presentacións e espazos de networking centrados no turismo sostible, consolidando a feira como punto de encontro para destinos, empresas e profesionais que traballan arredor dun modelo turístico responsable e vinculado ao territorio.

Facebook

Twitter

Linkedin