• A comercialización de seguros e a contratación de actividades nos destinos, os servizos complementarios máis solicitados polos clientes.

O Observatorio do Turismo Emisor de España, instrumento de análise e seguimento do turismo emisor promovido por Amadeus, AON, Beroni, Carrefour Viajes, IAG7/Airmet, Iberia, Ilunion Hotels, iryo, Mundiplan, ReiniziaT e a Asociación Nacional de Axencias de Viaxe (UNAV), vén de realizar unha enquisa sobre os aspectos que máis valoran os clientes das axencias de viaxe.

Fonte: ObservaTUR

Porcentualmente, o servizo máis valorado desta enquisa é o relativo ao asesoramento profesional por parte dos axentes, levándose o 54% das votacións. Outro valor engadido que recoñecen os clientes, e cunha tendencia en alza, é a capacidade das axencias de viaxe para deseñar viaxes a medida, destacando a personalización de experiencias, cun 48%. O terceiro aspecto que se remarca das axencias de viaxe é o que se refire á seguridade e ás garantías que proporcionan, destacado polo 45% dos consultados.

Finalmente, pechan a enquisa o coñecemento de destinos complexos (cun 22%), a comprensión e cumprimento de desexos asociados á viaxe (co 20%), e a tecnoloxía e información para mellorar a experiencia (11%).

Fonte: ObservaTUR

Respecto aos servizos complementarios en axencias, os máis solicitados son a comercialización de seguros (54%) e a contratación de actividades nos destinos (34%). O alugamento de vehículos incrementa o seu protagonismo en 2023/2024, chegando ao 12%.

Facebook

Twitter

Linkedin