• Rexistráronse 717.562 viaxeiros e 1,3 M noites, cunha estadía media de 1,8 noites nos establecementos.
• A ocupación nos albergues superou o 140 % con respecto ao ano anterior.

Segundo os datos recollidos no informe de Conxuntura Turística Hoteleira publicada polo Instituto Nacional de Estadística (INE), Galicia rexistrou no primeiro trimestre deste 2023 ata un 22,5 % máis de viaxeiros con respecto ao mesmo período no ano anterior.

Bos números para a nosa Comunidade, que rexistrou un total de 717.562 viaxeiros e 1,3 M noites, cunha estadía media de 1,8 noites. Deste xeito, os datos dos establecementos hoteleiros (contando hoteis e pensións) superan nun 19 % aos do ano pasado, que rexistrara 624.867 viaxeiros e 1,1 M noites.

Ademais disto, as cifras dos establecementos extrahoteleiros tiveron un aumento maior: entre apartamentos turísticos, cámpings, turismo rural e albergues, a ocupación chegou a aumentar nun 52 % con respecto a un ano antes. Destaca de xeito especial o dato rexistrado polos albergues, superando o 140 %. No cómputo total, os establecementos extrahoteleiros recibiron 92.695 viaxeiros en 168.355 noites.

Facebook

Twitter

Linkedin