O Hotel Balneario de Mondariz acolleu a presentación do geodestino Condado Paradanta, liderado polo concello de Ponteareas e composto por estes concellos e os da Cañiza, As Neves, Arbo, Covelo, Crecente, Mondariz, Mondariz Balneario, Salvaterra e Salceda de Caselas. Unha iniciativa que xorde co obxectivo de situar ás dúas comarcas no calendario dos turistas a través da promoción dos seus recursos naturais, patrimoniais, etnográficos, e gastronómicos.

Para iso o geodestino Condado Paradanta conta cunha web e un a guía turística da zona e cun mapa que guiará aos visitantes polas rutas non só ambientais e históricos se non tamén gastronómicos ofrecendo ademais un paquete de turismo que une viño e auga e materiais de promoción. Todo iso foi posible levalo a cabo grazas ao convenio asinado entre a Axencia Galega de Turismo e o geodestino e contou cun investimento de 30.000 euros para este 2017.

Na presentación do geodestino estiveron presentes o presidente do GDR e Alcalde da Cañiza, Miguel Domínguez; o Presidente do geodestino e Alcalde de Ponteareas, Xosé Represas; os técnicos responsables do proxecto das empresas AVIVAE E INICIACTIVA; a directora xeral de Turismo da Xunta de Galicia, Nava Castro e o Alcalde de Mondariz Balneario, José Antonio Lorenzo.

Facebook

Twitter

Linkedin