Coa nova inxección económica o programa conta cunha partida de 8 millóns de euros orientada a descentralizar a celebración do Ano Santo para que chegue a todos os concellos e incentivar a participación cidadá

O programa conta con tres liñas diferenciadas: unha para entidades locais, outra para pemes e particulares e unha última destinada as entidades sen ánimo de lucro

A Xunta de Galicia decidiu abrir unha segunda convocatoria do programa O Teu Xacobeo, dotada con 3,3 millóns de euros co obxectivo de continuar o proceso de descentralizar a celebración do Ano Santo e incentivar a participación cidadá. Con este obxectivo o novo investimento únese á que xa estaba en marcha, sumando un total de 8 millóns de euros dirixidos a este obxectivo.

O programa, cuxo prazo de presentación está aberto até finais deste ano, inclúe tres liñas diferenciadas. A primeira delas, que conta cun orzamento de 500.000 euros, está destinada a entidades locais nas que se dará prioridade aos municipios de menos de 50.000 habitantes. A segunda liña, dotada cunha achega de 1 millón de euros, permitirá impulsar os proxectos de pemes e particulares. E a última das liñas permitirá, grazas a 1,8 millóns de euros, que boten a andar as propostas nadas de entidades públicas ou persoais sen ánimo de lucro.

Máis de 300 proxectos
Na primeira convocatoria de O Teu Xacobeo foron concedidos máis de 300 proxectos, dos cales o 41% xa se realizaron ou están en marcha con iniciativas no catro provincias e en máis de 140 concellos galegos.

Facebook

Twitter

Linkedin