O Clúster representa ao sector luxo e MICE de Galicia na última edición do salón Jardins, Jardin, que se celebra do 29 ao 2 de xuño en París

Jardins jardin, evento jardineria turismo mice lujo parís
Categorías
Etiquetas

O Clúster representa ao sector luxo e MICE de Galicia na última edición do salón Jardins, Jardin, que se celebra do 29 ao 2 de xuño en París

  • O evento, referente en materia de xardinería, deseño e espazos verdes, celebra o seu 20º aniversario no parque da Villa Windsor
  • Galicia participará no espazo “Xardín España” xunto aos destinos: Tenerife, Sevilla e Elche.

Comezou Jardins, Jardin, salón referente entre os amantes da xardinería e o deseño, cunha 20º edición que se celebra no gran parque da Villa Windsor, no Bois de Boulogne de París.

 

A xornada de onte estivo exclusivamente reservada para profesionais e, ademais do acto de inauguración institucional, a consellería de Turespaña en París realizou unha serie de encontros e a primeira das dúas workshops (a segunda celébrase hoxe) en apoio á comercialización entre profesionais especializados no segmento luxo e MICE con medios de comunicación.

 

Os destinos elixidos para estar presentes na cita son: Galicia, Sevilla, Elche e Tenerife. Representando ao sector turístico galego, además de Cesáreo Pardal, están presentes as empresas pertencentes ao Clúster Turismo de Galicia: Tee Travel, Pazo de los Escudos, A Quinta da Auga e Viaxes Abramar.

 

Do 30 de maio ao 2 de xuño, as portas están abertas ao público xeral, e os destinos terán a oportunidade de desenvolver talleres ensinando o seu atractivo natural, potenciando o valor dos seus xardíns, flora e tradicións florais. Farano no espazo “Xardín España”, onde cada un contará cunha zona para promocionarse.

 

Como todos os anos, os visitantes poden gozar dunha trintena de espazos verdes deseñados por paisaxistas de renome ou talentos emerxentes, que se combinan con conferencias e outras actividades relacionadas coa xardinería.