Congresos

O Centro Superior de Hostalería de Galicia (CSHG) conclui hoxe a súa participación na Conferencia International Hospitality Research que se celebra no Hospitality Tourism Management Institute en Soerenberg, Suíza, un dos máis prestixiosos centros dedicados á educación na xestión hoteleira e o turismo deste país. Nesta conferencia internacional, que se celebra cada dous anos, son invitadas as máis prestixiosas universidades e escolas de hostalería de todo o mundo.

Nesta ocasión, o Centro Superior de Hostelería de Galicia participa xunto coa Universidade do Ulster, de Reino Unido, e a Steinbeis University Berlin, de Alemaña. Así, a directora do CSHG, Patricia Cuevas, impartirá unha conferencia titulada “Futures, Predictions and Education” que versará sobre as tendencias futuras e modelos educativos nos programas académicos de hostalería. Ademais, o Centro Superior de Hostelería de Galicia organiza un taller específico para alumnos da escola suíza sobre habilidades e competencias que deben desenvolver os futuros líderes na hostalería.

Grazas a iniciativas como esta o Centro Superior de Hostalería de Galicia continúa consolidándose como unha escola de prestixio internacional. Na actualidade, o CSHG é considerado un centro de referencia a nivel internacional na industria turística, grazas ao apoio deste proxecto por parte da Xunta de Galicia e aos máis de 2.000 alumnos que se sumaron a esta iniciativa apostando polo Centro e que hoxe traballan nos hoteis e restaurantes de todo o mundo.