• Un máximo de 26 empresas poderá participar nas actividades que se desenvolverán os días 20 e 21 de maio.
• As inscricións están dispoñibles ata o 10 de abril na seguinte ligazón.

O Clúster Turismo de Galicia abriu o prazo de inscrición para participar nas xornadas de promoción turística que se celebrarán en Valencia e Oporto os días 20 e 21 de maio. Estas sesións permitirán ás empresas galegas dar a coñecer a súa oferta ante axentes de viaxes locais a través de workshops.

Cada workshop contará cun máximo de 26 empresas e terá unha duración aproximada de dúas horas. Posteriormente, proxectarase un vídeo promocional de Galicia, seguido dunha intervención institucional. Como incentivo, realizarase un sorteo entre os participantes que establezan máis contactos durante as sesións.

A acción promocional comezará o 20 de maio coa saída desde o aeroporto de Vigo cara a Valencia, e finalizará o 22 de maio co regreso desde Oporto en autobús. O Clúster asumirá os gastos de transporte, organización e cea tipo cóctel, mentres que cada asistente deberá cubrir aloxamento e xantares.

Prazo e condicións da inscrición

As empresas interesadas en participar deberán inscribirse antes do 10 de abril ás 20:00 horas. A inscrición formalizarase completando o formulario correspondente e realizando unha transferencia de 100 € en concepto de garantía ao número de conta ES56 0081 0499 6000 0167 4368. O xustificante bancario deberá enviarse a secretariatecnica@clusterturismogalicia.com. O importe será reembolsado unha vez finalizados os workshops. En caso de non asistencia sen unha causa xustificada, deberase abonar 1.200 €, salvo que o seguro de cancelación cubra a ausencia.

As prazas asignaranse segundo os criterios de prelación establecidos polo Clúster, permitindo a participación dunha persoa por empresa.

Facebook

Twitter

Linkedin