Turismo de Galicia

Turismo de Galicia participou no evento Cruise 360 que se celebra na cidade de Fort Lauderdale en Florida co obxectivo de promover a nosa comunidade como destino de cruceiros no leste dos Estados Unidos de América

A nosa comunidade recibiu o ano pasado un total de 345.665 pasaxeiros de cruceiros, o que supón un incremento do 1,1% en relación ao 2013

Co obxectivo de promocionar o destino Galicia neste sector profesional, Turismo de Galicia participou na cidade de Fort Lauderdale (Florida) no Cruise 360, una feira profesional dirixida aos operadores turísticos especializados máis importantes desta área xeográfica e na que se desenvolveron xuntanzas de traballo, seminarios e conferencias, que permitiron contactar con operadores turísticos e consignatarios norteamericanos. Deste xeito, Turismo de Galicia participou en xuntanzas individuais con axentes turísticos especializados en cruceiros, e en distintas reunións colectivas para difundir os valores e os servizos turísticos de Galicia, en xeral, e a capacidade para atraer cruceiros, en particular.

E é que o turismo de cruceiros é un sector en alza na nosa comunidade e así o demostran os datos. O turismo de cruceiros en Galicia pasou de mover uns 120.000 pasaxeiros en 2003 a máis de 345.000 en 2014. Concretamente a nosa comunidade recibiu no pasado ano a un total de 345.665 pasaxeiros de cruceiros, o que supón un incremento do 1,1% en relación ao 2013. O turismo de cruceiros presenta, polo tanto, un gran potencial e un gran recursos desestacionalizador, xa que a súa influencia alárgase dende o mes de abril ata outubro principalmente. A cidade de Vigo foi a que máis pasaxeiros de cruceiros recibiu no pasado ano cun total de 176.019 e un incremento do 2,5% en relación ao ano anterior. Deste xeito, o porto do sur de Galicia acolleu o 50,9% do total dos cruceiristas que chegaron a nosa comunidade.

No segundo lugar situouse o porto de A Coruña, o cal albergou un total de 129.597 pasaxeiros procedentes de cruceiros, un 37,4% do total. Á cidade de A Coruña síguelle o porto de Ferrol cun total de 39.017 pasaxeiros, o que supón o 11,3% do total. Compre destacar o espectacular incremento rexistrado por este porto que no pasado ano incrementou os seus cruceiristas nun 295,5%, en relación ao ano 2013. Por último, o porto de Vilagarcía acolleu 1.032 pasaxeiros de cruceiros ao longo do 2014, o que supón o 0,3% do total de cruceiristas que visitaron a nosa comunidade.

 

29 de abril de 2015

O turismo de cruceiros, sector en alza, promociónase en Florida

Turismo de Galicia participou no evento Cruise 360 que se celebra na cidade de Fort Lauderdale en Florida co obxectivo de promover a nosa comunidade como […]
16 de abril de 2015

A Coruña acogerá el III Congreso Internacional de Calidad Turística

La candidatura, defendida por el director de Competitividade de Turismo de Galicia, José Luís Maestro, y el director de Palexco, Enrique Pena, superó las propuestas de […]
12 de abril de 2015

Nacen los premios Camino de Santiago

Concedidos por Turismo de Galicia y dirigidos a asociaciones de Amigos del Camino, entidades y PYMEs con dotaciones que van desde los 5.000 a los 15.000 […]
11 de abril de 2015

Galicia a todo tren trae como principal novidade o Tren Peregrino

O éxito de pasadas convocatorias fai posible esta terceira convocatoria que conta coa colaboración da Xunta, RENFE e a Deputación de Ourense Co obxectivo de proporcionar […]