turismo familiar

A iniciativa, impulsada polo Clúster Turismo de Galicia, acaba de lanzar a nova web e a app na que se recolle a oferta especializada neste segmento

Creado o ano pasado co obxectivo de dar a coñecer e xerar sinerxías entre as empresas turísticas galegas que se especializaron no turismo familiar, o programa Galicia Destino Familiar, impulsado polo Cluster Turismo de Galicia en colaboración con varios dos seus asociados, continúa este ano dando pasos para a posta en valor deste segmento de mercado para Galicia. Nestes momentos xa está dispoñible nas tendas de aplicacións móbiles a App oficial de Galicia Destino Familiar, ferramenta na que estarán dispoñibles datos das empresas certificadas polo selo, así como as súas principais ofertas. Os usuarios poderán así mesmo acceder a información sobre os principais recursos turísticos de Galicia, geolocalizados segundo a súa localización.

Paralelamente, xa se pode acceder á páxina web de Galicia Destino Familiar (http://galiciadestinofamiliar.gal/), en cuxa área privada as empresas asociadas ao selo poderán xestionar a información que fan chegar ao usuario final. Ademais, están dispoñibles os perfís nas redes sociais Facebook, Twitter, Linkedin e Instagram, nas cales se informará das distintas novidades que vaian xurdindo ao redor de Galicia Destino Familiar. Ademais, púxose en marcha marcha un plan de comunicación que pretende dar a coñecer a marca e as empresas adheridas especialmente a través de internet e as redes sociais, buscando un mellor posicionamento, e a través do desenvolvemento de actividades e do traballo de influencers que permitan mellorar o grao de coñecemento da marca.

Galicia, polo de atracción do turismo familar

Segundo o estudo de mercado de Pautas de Consumo Turístico das Familias, realizado pola Federación Española de Familias Numerosas, Galicia sitúase como a cuarta comunidade autónoma española preferida polas familias para as súas viaxes en época estival, unhas familias que gastan ao ano en España un total de 15.870 millóns de euros.

Trátase de perfil de consumidores moi interesante para o sector turístico galego ao tratarse de viaxeiros que consomen unha ampla gama de produtos e servizos interconectados entre si (aloxamento, restauración, turismo activo, parques temáticos, etc.), xeralmente fidelizados e que exercen de bos prescriptores, que rexistran estancias superiores á media e que busca destinos adaptados ás necesidades de todos os membros do grupo, sendo clave o poder de decisión que teñen os nenos na elección.

É por iso que, no marco do Concurso de Ideas do Clúster de Turismo de Galicia, creouse en 2016 a marca Galicia Destino Familiar e no presente 2017 o programa continúa desenvolvéndose en colaboración co Consorcio de Empresarios Turísticos de Sanxenxo (CETS), a Asociación Rede Galega de Albergues Turísticos (AGALBER), Viaxes Fisterra S.L.U. e o Hotel Baía de Vigo S.A.

A posta en marcha deste proxecto busca, ademais, apoiarse na xeración dunha oferta específica para as familias na que o selo de Galicia Destino Familiar sexa un aval tanto para os clientes como para o sector, contribuíndo a fidelizar ao público obxectivo deste proxecto.

24 de Outubro de 2017
Qué ver Galicia Turismo Familiar

O Selo Galicia Destino Familiar pon en marcha dúas novas ferramentas para dar a coñecer esta oferta especializada

A iniciativa, impulsada polo Clúster Turismo de Galicia, acaba de lanzar a nova web e a app na que se recolle a oferta especializada neste segmento […]
19 de Xaneiro de 2017
presentacion grupo

Clúster Turismo de Galicia presentou ambos os proxectos na caseta de Galicia en Fitur As dúas marcas, postas en marcha o ano pasado, continuarán o seu desenvolvemento en 2017 para mellorar a comercialización da oferta turística 19 de xaneiro 2017.- Concibidas co obxectivo de mellorar a comercialización e a especialización do Destino Galicia as marcas Enoturismo Galicia e Galicia, Destino Familiar tiveron o seu espazo no programa de presentacións da caseta de Galicia en Fitur. Ambos os proxectos, impulsados no marco do concurso anual de ideas que pon en marcha o Clúster de Turismo de Galicia entre os seus asociados, foron creados co obxectivo de impulsar unha maior especialización da oferta turística galega, contribuíndo a impulsar entre os seus usuarios potenciais a oferta que Galicia aglutina tanto en materia enoturística como vinculada ao segmento do turismo familiar. ?A estas alturas ninguén dubida xa do potencial enoturístico galego?, explicou o presidente do Clúster Turismo de Galicia, Francisco González, ?pero en conversación coas Rutas dos Viños de Galicia fomos conscientes da importancia de crear unha marca forte e única que aglutine todo este patrimonio e facilite o labor da súa comercialización?. González destacou, ademais, a importancia do enoturismo como elemento vertebrador dunha oferta turística diferenciada e de calidade, traballando man a man para fomentar a súa comercialización a través de paquetes enoturísticos. Así nace a marca Enoturismo Galicia no que se agrupan os recursos das Rutas do Viño do Ribeiro, Ribeira Sacra, Rías Baixas, Monterrei e Valdeorras, tras a súa adhesión ao Clúster Turismo de Galicia. O presidente da Ruta do Veu Rías Baixas, Juan Gil, en nome de todas as Rutas, animou aos presentes a coñecer este patrimonio: ?veñan coñecer a nosa forma de elaborar os nosos extraordinarios viños singulares, veñan ver os nosos viñedos, tan distintos de todo o coñecido, desde os máis belos emparrados xunto ao mar das Rías Baixas até os heroicos socalcos da Ribeira Sacra, desde as ladeiras pizarrosas de Valdeorras até as terras altas de Monterrei, pasando polas fermosas veigas e os minifundios graníticos do Ribeiro?, ao tempo en que facía fincapé en que Galicia conta cunha materia prima impresionante para estar entre os primeiros destinos nacionais para gozar da natureza e o enoturismo. Galicia, polo de atracción para o turismo familiar Xunto co Enoturismo, o segundo proxecto presentado polo Clúster de Turismo foi o da creación do selo Galicia, Destino Familiar, unha iniciativa está a dar os seus primeiros pasos para implantarse este ano e na que están implicadas o Consorcio de Empresarios de Turismo de Sanxenxo (CETS), Federación Provincial de Empresarios de Hostalaría de Pontevedra (FEPROHOS), Centro Español de Novas Profesións (CENP), Viaxes Fisterra (Interrías), Asociación Provincial de Axencias de Viaxe de Pontevedra (AVIPO) e Hotel Baía de Vigo. Francisco González destacou o gran potencial do noso territorio como polo de atracción do turismo familiar. ?Galicia é o segundo destino nacional preferido polas familias españolas para pasar o verán, segundo os datos solicitados pola Federación Española de Familas Numerosas?, destacou o presidente do CTG, que fixo fincapé na necesidade de ordenar e pór en marcha un sistema de acreditación que permita a este segmento identificar os servizos turísticos e establecementos galegos especializados que dispoñan de instalacións e actividades pensados e adaptados para as familias. O primeiro paso deuse en 2016 coa posta en marcha da web, aprobación de requisitos e apertura das solicitudes para adherirse a este programa e que poden solicitar a súa inscrición a través da web http://galiciadestinofamiliar.gal/. Tras un proceso de avaliación e comprobación de que cumpre os requisitos para formar parte do programa, incorporarase cada establecemento/servizo á web e app de Galicia Destino Familiar. Desta forma irase xerando unha rede de ofertas ao redor de Galicia como destino turísticos ideal para o goce das familias, fomentando así a especialización da oferta turística, a cooperación entre diferentes empresas e entidades deste segmento. A posta en marcha deste proxecto busca, ademais, apoiarse na xeración dunha oferta específica para as familias na que o selo de Galicia Destino Familiar sexa un aval tanto para os clientes como para o sector, contribuíndo a fidelizar ao público obxectivo deste proxecto.

Clúster Turismo de Galicia presentou ambos os proxectos na caseta de Galicia en Fitur As dúas marcas, postas en marcha o ano pasado, continuarán o seu […]
16 de Xaneiro de 2017
Invitacion Fitur

O Clúster de Turismo de Galicia presenta en Fitur dous dos seus proxectos conxuntos de mellora da oferta turística galega

A caseta de Galicia no Salón Internacional de Turismo, Fitur, que se desarolla do 18 ao 22 de maio en Madrid, acollerá a presentación de dúas […]
14 de Decembro de 2016
galicia turismo familiar

En marcha un proxecto para xerar unha rede de establecementos e servizos ao redor de Galicia como destino familiar de calidade

Situar a Galicia como destino familiar. Este é o principal obxectivo do proxecto Galicia Destino Familiar, que deu a finais de 2016 os primeiros pasos coa […]