Turismo de Galicia

A celebración pon punto e final ao fam trip celebrado estes días en Galicia, no que se deron cita 10 hosted buyers que visitaron A Coruña e Santiago e mantiveron encontros profesionais con 50 empresas galegas

Preto de 200 representantes de empresas e institucións relacionadas co turismo de congresos incentivos e eventos déronse cita no Palacio de Congresos e Exposicións de Galicia, en Santiago, para a festa do sector MICE galego, un encontro que tamén serviu para facer unha presentación do proxecto Galicia MICE, posto en marcha en 2016, no que se se unen OPCs, hoteis e espazos para eventos para promover a Comunidade como destino ideal para este tipo de actividades. Galicia MICE conta co apoio do Clúster Turismo de Galicia, cuxo presidente, Cesáreo Pardal, fixo fincapé na heteroxeneidade e a relevancia deste sector, vertebrador para o conxunto do turismo en Galicia, así como na importancia de seguir traballando na cooperación público-privada.

A directora de Turismo de Galicia, Nava Castro, tamén destacou esta cooperación entre o sector privado e as administracións á vez que destacou o apoio da Xunta á organización de Congresos a través da liña de axudas que acaba de aprobar a Xunta. Finalmente, a presidenta de OPC Galicia, Ana Trevisani, pola súa banda, fixo un percorrido pola traxectoria da marca Galicia MICE e destacou o volume de negocio do sector en España, que o Spain Convention Bureau (SCB) cifrou recentemente en 6.600 millóns de euros, con 4,3 millóns de asistentes e 25.800 eventos, á vez que destacaba as vantaxes coas que conta Galicia para estar entre os primeiros destinos elixidos para organizar congresos a nivel nacional.

“Galicia ofrece ao sector profesionais serios, fieis, eficaces, moi traballadores e conta ademais con ese plus que todo organizador desexa: sensacións e experiencias. Somos un destino solvente que se enfronta a algúns problemas, como o relativo descoñecemento do noso traballo ou os derivados da conectividad de Galicia respecto doutros puntos”, explicou Trevisani.

Encontros profesionais
Coa celebración da festa do sector MICE galego péchase o programa de actividades que esta semana desenvolveu Galicia Mice con dez operadores turísticos do resto de España e Europa, que tiveron oportunidade de coñecer varias localizacións ideais para a organización de grandes congresos e eventos, ademais de percorrer os atractivos turísticos das cidades da Coruña e Santiago de Compostela. Dentro do programa leváronse a cabo reunións entre os operadores foráneos e 50 empresarios das dúas cidades, representantes de diversos sectores relacionados.

13 de Novembro de 2019
2019-11-12-cidade da cultura foto do workshop

Preto de 200 profesionais galegos e europeos danse cita en a  Festa do sector MICE galego

A celebración pon punto e final ao fam trip celebrado estes días en Galicia, no que se deron cita 10 hosted buyers que visitaron A Coruña […]
07 de Outubro de 2019
Premios Galicia de Turismo  presentación

Xunta de Galicia e Clúster Turismo de Galicia crean os premios Galicia de Turismo que recoñecerán iniciativas exitosas do sector

A iniciativa, que xorde con vocación de continuidade, concederá nove galardoes a persoas, empresas e proxectos pola súa contribución a mellorar o desenvolver o sector turístico […]
03 de Outubro de 2019
ganadores circuito golf senior 2019

Antonio Mortera Morán proclámase gañador absoluto do VIII Circuíto de Golf Senior Turismo de Galicia.

A Ribeira Sacra lucense acolleu a gran final do circuíto de golf sénior, instrumento que a axencia de Turismo de Galicia utiliza desde hai 9 anos […]
24 de Setembro de 2019
presentación nuevo plan CSHG

O CSHG afronta un plan de renovación por importe de máis de 5 millóns de euros para converterse en centro de referencia en innovación turística

Implantarase o grao de Innovación Gastronómica e Xestión Hostaleira na Universidade de Santiago coa colaboración do sector A Xunta de Galicia presentou o plan de acción […]