Promovido por Expourense e a súa marca Termatalia, a Asociación de Balnearios de Galicia, Grupo Caldaria e a Federación Provincial de Hostalaría de Ourense co apoio do Clúster de Turismo de Galicia e da Axencia de Turismo de Galicia

Presentouse antes axencias de viaxes e medios de comunicación do Norte de Portugal, un mercado estratéxico para o turismo galego

A Loja Interactiva Welcome Center de Porto, en Portugal, acolleu a presentación da iniciativa “Un descanso nos Camiños” nun acto ao que acudiron axencias de viaxes, empresas do sector turístico e medios de comunicación do Norte de Portugal. Trátase dun proxecto conxunto promovido por Expourense e a súa marca Termatalia, a Asociación de Balnearios de Galicia, Grupo Caldaria e a Federación Provincial de Hostalaría de Ourense que no marco do concurso de ideas promovido polo Clúster Turismo Galicia lanza un produto turístico-termal que inclúe estancias nos balnearios galegos dos distintos Camiños de Santiago.

“Un descanso nos Camiños” ten o obxectivo de incidir no aspecto da comercialización deste produto, de modo que beneficie non só ás empresas do sector termal de Galicia, se non a outras empresas e actividades turísticas da oferta complementaria, facilitando a súa integración ante diferentes canles, priorizando o mercado de proximidade tanto en España como Norte de Portugal.

A presentación de Porto obedece á procura dos seus promotores por impulsar o proxecto no Norte de Portugal, un mercado estratéxico para Galicia, para buscar oportunidades de traballo e poder vender como destino conxunto tanto a Galicia como ao Norte de Portugal, de face á celebración do Xacobeo 2021 xa que o proxecto está orientado a peregrinos, pero tamén ao resto de viaxeiros interesados por Galicia.

Na presentación desta tarde, na que participaron a directora de Termatalia e conselleira do Clúster de Turismo de Galicia, Emma González; o xerente da Asociación de Balnearios de Galicia, Benigno Amor; o cogerente da empresa de servizos turísticos Autoxiro, Emilio Cuíñas, e o representante de Turismo Porto e Norte, Joao Sabino, distribuíuse o folleto promocional co resumo do proxecto, os promotores e participantes e a referencia á páxina web onde axencias como público interesado pode acceder á información detallada tanto dos balnearios como das experiencias creadas. Este folleto tamén estará presente nos eventos e feiras de promoción nos que participe o Clúster de Turismo de Galicia.

Esta presentación é a segunda das accións de execución do proxecto. A primeira tivo lugar no marco de Termatalia, Feira Internacional de Turismo Termal, Saúde e Benestar e consistiu na organización dun Workshop e Fam trip centrado nos produtos turísticos orientados ao Camiño de Santiago baseados na oferta de Balnearios de Galicia.

25 de Outubro de 2019
un descanso en los caminos

O proxecto turístico termal “Un descanso nos Camiños” preséntase en Porto

Promovido por Expourense e a súa marca Termatalia, a Asociación de Balnearios de Galicia, Grupo Caldaria e a Federación Provincial de Hostalaría de Ourense co apoio […]
23 de Setembro de 2019
presentación Un Descanso nos Camiños

Unha trintena de empresas participan na presentación do proxecto “Un descanos nos camiños”

A presentación tivo lugar no marco de Termatalia no marco da cal se desenvolveu o primeiro workshop de desenvolvemento de produtos turísticos vinculando termalismo e Camiño […]
11 de Setembro de 2019
cartel termatalia

A “Semana Termatalia” sitúa a Ourense como centro internacional de formación e negocio en turismo de saúde

No marco de Termatalia, que se celebrará en Ourense o 19 e 20 de setembro como ponte termal entre continentes e evento de interese sanitario, segundo […]
30 de Agosto de 2019
Expourense Termatalia

Os impulsores do proxecto “Un descanso nos Camiños” manteñen unha reunión preparatoria no recinto feiral de Expourense

O recinto feiral ourensán acolleu onte a primeira reunión preparatoria do proxecto “Un descanso nos Camiños”, impulsado por  Caldaria, Federación Provincial de  Hostalaría de Ourense, Expourense […]