A través do proxecto “Facer Caminho”, Galicia e Norte de Portugal pon en marcha un novo proxecto conxunto co obxectivo de seguir impulsando proxectos de cooperación en materia turística no marco da Eurorrexión. Neste caso, o obxectivo principal de ‘Fazer Caminho’ é consolidar as rutas do Camiño de Santiago na Eurorrexión Galicia-Norte de Portugal e impulsar o seu aproveitamento sustentable como un recurso patrimonial cultural e natural transfronteirizo capaz de xerar actividades turísticas e económicas que contribúan ao desenvolvemento socioeconómico deste territorio.

“Fazer Caminho” é un proxecto que aspira ao financiamento do Programa de Cooperación Transfronteiriza España-Portugal (POCTEP) e por iso, Xunta e administración lusa mantiveron contactos co fin de avanzar na definición dos obxectivos comúns xa que se pretente impulsar unha candidatura que contribúa a protexer e valorizar o Camiño de Santiago como recurso como sinal de identidade, o que leva aparellado o fomento da cooperación na súa protección e promoción, entre outros fins. No marco do proxecto Fazer Caminho, aspírase á mellora das condicións para a xestión conxunta e a afluencia do Camiño de Santiago, ao incremento e mellora do coñecemento sobre o mesmo ou a unha maior implicación da poboación local na súa conservación.

Os habitantes dos territorios por onde discorren os itinerarios xacobeos desta Eurorrexión serían os principais beneficiarios desta candidatura, pois profundar na ordenación da súa actividade redundará na mellora da calidade de vida e no desenvolvemento socioeconómico.

Iniciativas turísticas na Eurorrexión

Esta candidatura encaixa nos obxectivos plasmados no Plan director do Camiño de Santiago no que a Xunta de Galicia traballa desde 2015 coa vista posta no Xacobeo 2021. Esta folla de ruta ten entre as súas liñas estratéxicas a protección de todas as rutas de peregrinación e precisamente dedica 2018 ao Camiño Portugués e ao Camiño Portugués da Costa.

En paralelo a ‘Fazer Caminho’, Turismo de Galicia está implicado noutros proxectos co país luso como o proxecto Gerês-Xurés Dinámico, xa aprobado no marco do POCTEP. Tamén colabora a través da Macrorregión de Rexións do Suroeste Europeo (RESOE), na que se atopan, xunto a Galicia, Asturias, Castela e León, Cantabria e Norte e Centro de Portugal.

15 de Febreiro de 2018
Camino de Santiago

Turismo de Galicia avanza na definición dun proxecto conxunto co norte de Portugal ao redor do Camiño de Santiago

A través do proxecto “Facer Caminho”, Galicia e Norte de Portugal pon en marcha un novo proxecto conxunto co obxectivo de seguir impulsando proxectos de cooperación […]
14 de Decembro de 2016
galicia turismo familiar

En marcha un proxecto para xerar unha rede de establecementos e servizos ao redor de Galicia como destino familiar de calidade

Situar a Galicia como destino familiar. Este é o principal obxectivo do proxecto Galicia Destino Familiar, que deu a finais de 2016 os primeiros pasos coa […]
01 de Novembro de 2016
Camino de Santiago termal

Camiño de Santiago Termal, unha iniciativa de Balnearios de Galicia orientada ao descanso do peregrino

Co obxectivo de ofrecer un produto turístico especializado orientado a un nicho de mercado como poden ser os peregrinos “premium”, Balnearios de Galicia lanzou un novo […]
12 de Marzo de 2015
mapa_galicia_europa

Abierto el plazo para la recepción de proyectos de entidades asociadas para su desarrollo por parte del Clúster del Turismo de Galicia

Se establece un importe máximo de cofinanciación por parte del Cluster de 30.000 euros por proyecto, que deberá estar ejecutado antes de octubre de 2015 El […]