Un 80% dos empresarios galegos esperan mellorar resultados este ano, beneficiados pola próxima celebración do Xacobeo en 2021, aínda que con menor intensidade, segundo esta enquisa

O último informe publicado pola patronal de empresas turísticas españolas, Exceltur, recolle o balance final de 2019 e as perspectivas do sector para este arranque do ano. Neste sentido, a enquisa empresarial recolle a consolidación da desaceleración no crecemento da actividade turística detectada en 2019, que crece até o +1,5%, por baixo do dinamismo da economía española (+2,0%) por segundo ano consecutivo.

Os destinos das comunidades da España Verde pechan 2019 en positivo, con notables aumentos nos ingresos, favorecidos polo forte aumento da demanda estranxeira, o que lles permite a todas pechar ano con mellora nos resultados e ingresos: Galicia (+2,8% en resultados),
Cantabria (+1,1%), País Vasco (+1,2%) e Asturias (+0,3%). No seu conjuto o sector soubo manter a súa capacidade de xerar emprego, a pesar do decrecimiento en produtividade e o incremento de custos labores, unha das maiores preocupacións para os empresarios para este próximo ano.

Neste sentido, e de face ás perspectivas para 2020, o sector destaca a debilidade no crecemento económico aínda que, no seu conxunto, os empresarios confían en seguir incrementando os seus ingresos (+3,1%) e vendas (+3,9%) para o ano 2020, cunha leve recuperación de prezos (+3,0%) e unha creación de emprego máis moderada (+2,3%) que a que se rexistrou en 2019
(+3,5%). No caso particular dos empresarios galegos estes manifestan confianza en mellorar os seus resultados beneficiados pola próxima celebración do Xacobeo en 2021, aínda que con menor intensidade (+1,6%) e case a 80% espera mellorar en vendas e ingresos o próximo ano.

Neste contexto, Exceltur anticipa para 2020 unha prolongación da senda de arrefriado do ritmo de crecemento do PIB turístico, mantendo unha taxa do +1,5% para o peche do ano, similar á rexistrada en 2019. Coa chegada do novo goberno destacan, ademais, a necesidade de impulsar unha nova folla de ruta e política turística de Estado, unha nova gobernanza público-privada que fortaleza a capacidade investidora en melloras da oferta, avance na dixitalización, afronte os retos ambientais e persiga unha maior empatía cidadá.

En canto a destinos, a medida que segue en aumento a debilidade dos mercados europeos como Alemaña ou Reino Unido, crece o peso dos mercados de proximidade e os de longo percorrido. O informe tamén recolle os problemas de conectividad aeroportuaria e a necesidade de seguir avanznado no cumprimento das normas relativas ás VUTs

16 de Xaneiro de 2020
informe exceltur

Exceltur anticipa un crecemento para este ano similar ao de 2019 aínda que se mostra cauteloso ante o arrefriado progresivo do crecemento do sector

Un 80% dos empresarios galegos esperan mellorar resultados este ano, beneficiados pola próxima celebración do Xacobeo en 2021, aínda que con menor intensidade, segundo esta enquisa […]
21 de Agosto de 2019
Dinamismo del sector hotelero en Galicia 2009-2019

A Xunta de Galicia presenta o balance da actividade do sector hoteleiro na última década

O conselleiro de Cultura e Turismo, Román Rodríguez, e a directora da Axencia Turismo de Galicia, Nava Castro, presentaron este luns o  informe “Dinamismo do sector […]
12 de Agosto de 2019
balance2019

Primeiro semestre de récord para Galicia: supera os dous millóns de visitantes e lidera os postos de crecemento en España. Pero sobre todo, medra en calidade

Galicia superou por vez primeira a barreira dos dous millóns de viaxeiros no primeiro semestre do 2019, segundo as cifras publicadas polo Instituto Nacional de Estatística […]
17 de Xullo de 2019
informe exceltur verano 19

Galicia, Asturias e Cataluña, os destinos de costa con maior demanda para este verán

Segundo indica o último informe de Exceltur sobre evolución do trimestre e perspectivas para a tempada estival en España, continúa o proceso de consolidación dos escenarios […]