Hostelería Compostela

A hostalaría e o comercio compostelán únense para celebrar o Día de Rosalía 2020
Lugo acolleu a presentación do I Campionato Oficial de Petiscos e Tapas de España que se celebrará en Madrid en marzo

Bares e restaurantes da capital galega homenaxearán á escritora galega Rosalía de Castro cando se cumpren 183 anos do seu nacemento a través dun programa de actividades que incluirán charlas, agasallos e gastronomía. Organizado de maneira conxunta pola Asociación Hostalaría Compostela e a Asociación de Veciños Raigame, coa colaboración da Fundación Rosalía, a Asociación Comercio.Compostela e os colexios Quiroga Palacios e Cluny, a iniciativa inclúe unha mesa redonda en torno ao urbanismo compostelán, un recital de poemas e unha iniciativa de repartición de marcapáginas e do coñecido como ?caldo de gloria? por parte de medio centenar de bares e restaurantes de Santiago que o repartirán do venres 21 de febreiro ao luns 24, día do nacemento de Rosalía, en referencia ao poema “Miña casiña, meu fogar”, de Follas Novas, na que o poeta explica como facer un caldo humilde e no que se relata a épica diaria da supervivencia na Galicia do século XIX.

I Campionato ofical de Petiscos e Tapas de España

Pola súa banda a capital lucense acolleu a presentación do primeiro Campionato Oficial de Petiscos e Tapas de España, impulsado por Hostalaría de España e que se celebrará na Escola de Hostalaría da Casa de Campo de Madrid o próximo 25 de marzo. O certame, configurado como fase final dos diferentes concursos de tapas e petiscos adscritos e pertencentes ás Asociacións que integran Hostalaría de España, terá ámbito nacional e no poderán participar de forma gratuíta e voluntaria os representantes que ditas Asociacións seleccionen.

No caso de Lugo, o representate será Álvaro Villasante, do restaurante Paprica, tal e como anunciou o presidente da Asociación Provincial de Empresarios de Hostalaría e Turismo (Apehl), Cheché Real, que destacou que “é todo un orgullo poder recibir na capital da nosa provincia a presentación do primeiro Campionato Oficial de Petiscos e Tapas de España. Traballamos moito para conseguir que este acto se celebre finalmente na nosa cidade, representativa da cultura de tapas e da fantástica gastronomía lucense. Estou seguro de que esta será unha iniciativa que enriquecerá os concursos de tapas de toda España e enxalzará o valor que esta cultura ten en todo o noso territorio”.

20 de Febreiro de 2020
caldo y pincho

Caldo de Gloria en Compostela e petiscos en Lugo

A hostalaría e o comercio compostelán únense para celebrar o Día de Rosalía 2020 Lugo acolleu a presentación do I Campionato Oficial de Petiscos e Tapas […]
16 de Outubro de 2019
detalle-sabores

Chega outono… e con él tamén os concursos de tapas

Despois de Coruña e Lugo, é a quenda para gozar destas pequenas creacións en Ourense, Vigo ou Santiago Os concursos de tapas son un atractivo no […]
01 de Agosto de 2019
RP_Goretti_Ramon

O BNG e Hostalaría Compostela presentan unha iniciativa para a promoción dos viños galegos con denominación de orixe en Santiago

Co obxectivo de contribuír á promoción dos viños con denominación de orixe galega, o grupo municipal do BNG en Santiago e a Asociación Hostalaría Compostela promoverán […]
17 de Xullo de 2019
autocaravanas

As asociacións hostaleiras que integran A Forza do Norte denuncian a proliferación de áreas ilegais de estacionamento de autocaravanas

A Asociación Galega de Autocaravanas (AGA), pola súa banda, acusa os hostaleiros de pretender recluílos nos cámpings e coartar o seu dereito a estacionar en igualdade […]