Os profesionais do sector móstranse cautos ao adiantar cifras de ocupación, como consecuencia do cambio nas paradigmas de contratación dos viaxeiros aínda que agardan un verán similar ao do ano pasado, en termos de viaxeiros e ocupación

Cada vez en maior medida apostan por fixar máis os obxectivos na rendibilidade e o gasto medio do viaxeiro, cifras nas que aínda hai marxe de mellora

O cambio na paradigma da comercialización turística fai cada vez máis complexo elevar previsións de ocupación por parte do conxunto do sector turístico galego que ve como ao factor climatolóxico engádenselle as cada vez máis habituais reservas de última hora, o que fai máis complexo aventurar con éxito previsións de ocupación para o conxunto da tempada estival. Ofertas de última hora e climatoloxía fan que os establecementos teñan que ter unha maior capacidade para dar resposta a unha situación tan marcada polo last minut, ademais de facer máis complicada as previsións de ocupación.

Así pois as estimacións do sector están marcadas pola prudencia pero móvense nas boas sensacións e trabállase cunha previsión inicial dun 60% de media de ocupación no conxunto do territorio galego, algo superior para os fins de semana, e co obxectivo de ter un verán con cifras similares ás do ano pasado, que poderían mellorar se a climatoloxía do mes de xullo móstrase benévola. Xuño e xullo de 2018 foron algo frouxos en reservas que se recuperaron no mes de agosto até marcar porcentaxes de ocupación altas, entre o 80 e o 90% nos principais puntos de atracción turística, o que nos deu como balance final que Galicia recibiu 1,4 millóns de visitantes que fixeron máis de 3,7 millóns de pasas a noite. Un bo balance se a analizamos no histórico do último lustro, aínda que algo menor respecto ao ano marca de 2017, o que nos fai pensar que estamos ao comezo dunha fase de consolidación das cifras de ocupación conseguidas.

As condicións climatolóxicas serán determinantes nos resultados finais e cabe ter en conta, mesmo, que o feito de non conseguir máximas temperaturas e manter temperaturas máis moderadas, chegue a xogar a favor da elección de Galicia como destino turístico nun gran número de viaxeiros.

Previsión media e por puntos de interese turístico

A porcentaxe media de ocupación, que se estima en 60% no conxunto do territorio e dos meses de xullo e agosto verase incrementado nos puntos turísticos con maior afluencia de viaxeiros, como a franxa atlántica e urbes, especialmente a medida que avance a tempada e, sobre todo, a partir da segunda quincena de xullo e en agosto, que segue marcando as mellores cifras de ocupación, con medias superiores ao 80%.

No caso da Coruña o sector hostaleiro sitúa a súa previsión media para o conxunto da tempada estival ao redor do 78%, máis baixa en xullo, en torno ao 70% e cun repunte previsible en agosto, que lles permitiría situarse ao redor do 80% de ocupación. En Compostela, as previsións que se manexan son similares ao ano pasado, ao redor dun 80%, con importantes diferenzas de ocupación entre xullo e agosto, aínda que é previsible que as cifras mellorarán a partir da segunda quincena de xullo, nas que a capital galega afronta as súas festas grandes e festivo do 25 de xullo.

Na provincia de Pontevedra para xullo e agosto Turismo Rías Baixas prevé unha ocupación media do 68%: 63% en xullo e 72% en agosto. Son previsións prudentes xa que o sector considera que a partir de xullo moveranse un 40% de reservas polo que os datos poderían mellorar considerablemente. Mirar máis polo miúdo nalgúns dos destinos turísticos da provincia, no caso de Vigo, o sector traballa cunha previsión de ao redor do 70 a 75% en xullo, esperando que eventos como os festivais como Marisquiño ou Seafest ou o campionato deportivo de balonmán de finais de xullo marquen bos resultados de ocupación á cidade que mellorarán para o mes de agosto, chegando a preto do 90%.

No caso específico de Sanxenxo, as previsións que manexa o sector están nun 65% para o mes de xullo que chegarán ao 92% no mes de agosto mentres que se falamos de turismo rural na provincia de Pontevedra, as cifras virarán ao redor da media, nun 60% en xullo e ao redor do 75% en agosto.

No caso de Lugo e Ourense as porcentaxes de ocupación varían considerablemente entre o conxunto da provincia e as urbes ou puntos de afluencia turísticas, como a Mariña Lucense ou a Ribeira Sacra, que previsiblementes volverán marcar moi bos índices de ocupación superando moi posiblemente o 80% mentres que no conxunto da provincia, a ocupación cae practicamente á metade, quedando ao redor do 40%.

Con todo, as expectativas do sector queren mirar máis aló do número de viaxeiros e pasar a noite para seguir mellorando en estancia media e gasto medio por viaxeiro, que son os cabalos de batalla do sector, e que lles permitirán seguir mellorando en rendabilidad, un dos obxectivos cos que traballa o conxunto do sector. Neste sentido, aínda queda marxe de mellora e de recuperación de prezos nas tarifas dos viaxeiros, apostando por un turismo segmentado e de calidade, que busca un valor engadido ás súas experiencias de viaxe, sen esquecer a internacionalización que permita seguir avanzando na porcentaxe de viaxeiros estranxeiros que escollen Galicia como destino, xa que no verán a maior porcentaxe de viaxeiros que recibimos segue sendo do mercado interno e nacional.

01 de Xullo de 2019
SM_Campervan_playa02

O sector turístico galego avanza boas previsións para a tempada estival que poderían situarse en torno ao 60% de ocupación media

Os profesionais do sector móstranse cautos ao adiantar cifras de ocupación, como consecuencia do cambio nas paradigmas de contratación dos viaxeiros aínda que agardan un verán […]
17 de Xuño de 2019
balneario de Cortegada

Aberto o prazo para solicitar praza no programa Termalismo Social do Imserso

Balnearios de Galicia aclara que este programa, que oferta 27 mil prazas, non está afectado por suspensión cautelar do programa do Imserso A Asociación de Balnearios […]
17 de Xuño de 2019
Vía Exterior

Aberto o prazo para participar na aceleradora de empresas Vía Exterior

Co aval do Consorcio Zona Franca de Vigo, xa está aberta a terceira edición de Vía Exterior, a aceleradora multi-sectorial deseñada para promover, acelerar e aumentar […]
12 de Xuño de 2019
reunion_AsociacionsNorte 1

Asociacións turísticas de Asturias, Cantabria, País Vasco e Galicia conforman unha alianza para gañar peso na comercialización turística

Baixo o nome “A Forza do Norte”, diferentes entidades asociativas do norte peninsular han decidido aliarse para gañar forza e presenza ante as institucións e comercializar […]