Do 21 ao 24 de novembro participarán 300 expositores nacionais e internacionais e desenvolverase unha bolsa de contratación, Intur Negocios, na que volverá estar presente a oferta turística galega

A XXIII edición da Feira Internacional do Turismo de Interior (Intur) que se celebrará entre os días 21 e 24 de novembro na Feira de Valladolid terá a Portugal como ‘país invitado’ e contará cun extenso programa de actividades, con participación de 300 expositores nacionais e internacionais, que buscan situar a Castela e León como un “referente” no sector do turismo de interior.

A cita preséntase como un punto de encontro “aberto, profesional e expositivo” no que Castela e León pon de relevo todo o seu potencial turístico e móstrase como referente a nivel nacional de turismo “de calidade, diverso e multicultural”. O evento albergará, ademais por primeira vez, unha reunión do Consello Autonómico de Turismo co fin de “potenciar” a feira como “unha ferramenta” de participación e asesoramento no impulso das liñas estratéxicas definidas no marco do Plan Estratéxico de Turismo de Castela e León.

Portugal será nesta ocasión o país invitado, unha elección que non foi “baladí” senón que tivo en conta o carácter integrador do río Douro entre ambos os territorios fronteirizos e as múltiples sinerxías existentes entre ambos. “Buscabamos un achegamento con Portugal polo que iso leva”, recoñeceu a directora xeral de Turismo, Estrela Torrecilla, quen lembrou que até xuño deste ano foron oito millóns de turistas internacionais os que aterraron no aeroporto do Porto, dos que o 20% viaxan a Galicia e só o tres por cento a Castela e León.

Como é habitual, as dúas primeiras xornadas estarán destinadas aos profesionais, para os que se habilitou un horario ?moi europeo? que irá de 9.30 a 18.30 horas, mentres que nas xornadas de sábado e domingo, de acceso ao público en xeral, o horario será de 10.30 a 20.30 horas. Entre as novidades desta edición figuran a Comunidade de Madrid, que regresa a Intur, ademais de Paradores, Renfe, o grupo Sercotel, a ruta do viño de Valdeorras ou municipios españois e portugueses, entre outras. En total serán 300 os expositores que estarán presentes en Intur, que este ano celebrará o II encontro hispano-luso no que participarán profesionais de ambos os países, expositores e turoperadores do mercado turístico ibérico.

Tamén haberá espazo para Intur Gastromarket e Corner de Experiencias. A primeira é un mercado no que os visitantes poden adquirir produtos vinculados á gastronomía dun territorio, mentres que a segunda iniciativa é unha plataforma que permite que os expositores de Intur dean a coñecer as súas novidades, tales como destinos, produtos e servizos nun formato ?áxil e próximo?.

En Intur Rural e Activo participarán empresas de Salamanca, Valladolid, León, Teruel, Cantabria, Cádiz, Asturias, Madrid e Soria neste espazo pensado fundamentalmente para as pequenas empresas de turismo rural que ademais de comercializar os seus servizos ofrecen actividades para todos os públicos. E a historia volverá ter cabida na edición deste ano de Intur, cun total de 16 recreacións históricas ao longo de todo o fin de semana.

20 de Novembro de 2019
75247383_2829367523748091_4078829651013664768_o

Valladolid acolle unha nova edición da Feira Internacional do Turismo de Interior, Intur, con Portugal como país invitado

Do 21 ao 24 de novembro participarán 300 expositores nacionais e internacionais e desenvolverase unha bolsa de contratación, Intur Negocios, na que volverá estar presente a […]
14 de Novembro de 2019
congreso turismo deportivo 19

O Congreso Ibérico sobre Turismo Deportivo, antesala de Sportur, reúne en Ourense a 300 profesionais vinculados ao turismo deportivo

Expourense acolleu esta semana o Congreso Ibérico de Turismo Deportivo, que se converte este ano na antesala do Salón do Deporte e Turismo Activo Sportur, que […]
23 de Setembro de 2019
presentación Un Descanso nos Camiños

Unha trintena de empresas participan na presentación do proxecto “Un descanos nos camiños”

A presentación tivo lugar no marco de Termatalia no marco da cal se desenvolveu o primeiro workshop de desenvolvemento de produtos turísticos vinculando termalismo e Camiño […]
20 de Setembro de 2019
sportur 2019

A nova edición de Sportur Galicia acollerá o I Congreso Ibérico de Turismo Deportivo

A celebración do I Congreso Ibérico de Turismo Deportivo será a principal novidade da terceira edición de Sportur Galicia, Salón do Deporte e Turismo Activo de […]