Federación Provincial de Empresarios de Hostelería de Ourense

Máis de 300 expositores procedentes de 34 países danse cita en Expourense
O venres 20 presentarase o proxecto “Un descanso nos Camiños”, nacido no seo do Concruso de Ideas do Clúster Turismo de Galicia

Expourense acolle este xoves e venres unha nova edición de Termatalia, que conta co apoio da Xunta, da Deputación e do Concello de Ourense e na que se darán cita 269 expositores, 26 turoperadores e estarán representados 34 países con importante presenza de América Latina e Eurupa. Á feira únese a Semana Termatalia, que se celebra tamén na capital ourensá desde o 17 co Congreso Internacional de Termalismo 2021-2027: dinamización dos territorios e reto demográfico no Balneario de Lobios e o III Simposio Internacional sobre Termalismo e Calidade de Vida, organizado pola Universidade de Vigo.

Nesta décimo novena edición a Xunta de Galicia participará, ademais, cun expositor no que se presentará a oferta termal galega e tamén está prevista a presenza de turoperadores de diferentes países, así como medios especializados de diversas partes do mundo. Neste sentido, a directora de Turismo de Galicia, Nava Castro, destacaba a “capacidade desestacionalizadora, diversificadora e o impulso económico que o termalismo está a ter en Galicia”, un segmento polo que o goberno galego está a facer unha forte aposta tanto a través do apoio á Cátedra de Hidrología Médica da Universidade de Santiago como da innovación, facilitando un proceso de documentación nos balnearios galegos; coas infraestruturas, mellorando a capacidade alojativa dos balnearios e sinalizando as vilas termais ou coa posta en marcha de pioneiras iniciativas normativas como a Lei de aproveitamento lúdico das augas termais, unha nova normativa cuxa posta en marcha servirá ?para reforzar a calidade da oferta termal galega, dando seguridade xurídica e garantías aos proxectos turísticos que polas súas características non poden ser considerados balnearios e que non dispuña até agora dunha regulación específica nin actualizada?.

Termatalia será, ademais, o marco elixido para a posta en marcha da primeira acción do proxecto “Un descanso nos Camiños” promovido polo Cluster de Turismo de Galicia a petición dos socios Expourense, Balnearios de Galicia, Grupo Caldaria e a Federación Provincial de Hostalaría de Ourense e que conta co apoio da Consellería de Cultura e Turismo. Este proxecto busca promover estancias nos balnearios dos Camiños de Santiago e en Termatalia protagonizará un dos workshops, para o que está aberto o prazo de inscrición, co obxectivo de fixar criterios para o deseño de novos produtos, así como a negociación para a súa comercialización.

18 de Setembro de 2019
cartel termatalia

A 19ª edición de Termatalia arrinca en Ourense reafirmando o seu papel como cita internacional de referencia para o turismo termal e de saúde

Máis de 300 expositores procedentes de 34 países danse cita en Expourense O venres 20 presentarase o proxecto “Un descanso nos Camiños”, nacido no seo do […]
03 de Setembro de 2018
portada guia

A oferta de turismo de saúde e médico de Galicia presentarase na Bolsa de Contratación Turística de Termatalia Brasil 2018

Expourense, a través da súa marca Termatalia, Fundación Semana Verde de Silleda e a Federación de Hostalaría de Ourense puxeron en marcha un proxecto conxunto para […]
20 de Novembro de 2017
programa desperdicios hostelería

Convenio de colaboración entre as asociacións provinciais e Medio Ambiente para a redución dos desperdicios en hostalaría

Baixo a lema Love food not waste-Non ao desperdicio alimentario, a Consellería de Medio Ambiente en colaboración coas asociacións provinciais de hostalaría e restauración de Galicia […]
31 de Outubro de 2017
Clausura Galicia Friendly 2

90 empresas turísticas reciben o selo Galicia Friendly que acredita as competencias adquiridas en inglés

A Cidade da Cultura acolleu o acto de entrega dos diplomas de aproveitamento da formación, impulsada polo Clúster Turismo de Galicia en colaboración coas asociacións provinciais […]