O encontro  Bioceánico-Hispano que naceu fai catro anos en Arxentina –  Enbhiga– chega por primeira vez a Europa e reunirá en Ourense a cociñeiros, operadores de turismo e medios de comunicación especializados de todo o mundo, que coñecerán de primeira man os atractivos turísticos das distintas comarcas da provincia, con especial atención á  enogastronomía.

A  inicativa chega da man do colectivo “Cociña Ourense”,  unha asociación de reputados cociñeiros que desenvolven o seu labor na provincia co fin de fomentar a súa cultura gastronómica e promover o intercambio cultural, e conta  co apoio da Deputación de Ourense e o Inorde.

Manuel Baltar, presidente da Deputación, afirmou na presentación desta edición que se trata de “un dos eventos máis importantes que se van a celebrar no noso territorio no 2019, desde o punto de vista turístico, gastronómico e de promoción da nosa provincia”. Quixo tamén destacar o papel de “Cociña Ourense” e sinalar que “desde a Deputación apoiamos esta iniciativa desde o primeiro segundo”.

Miguel González, presidente de “Cociña Ourense”, explicou que  Enbhiga é un encontro aberto á participación de todos os produtores, empresarios e restauradores que queiran sumarse a esta iniciativa. Un evento que naceu en Arxentina como lugar de encontro para profesionais do turismo gastronómico das dúas beiras do continente e que, tras tres edicións de éxito, demostrou o enorme potencial que ten como ferramenta dinamizadora do sector”.

Esta cuarta edición, que se celebrará do  14 ao 19 de outubro en Ourense, permitirá ampliar a súa audiencia e reunir a máis profesionais procedentes de Europa e América. De feito, calcúlase recibir a máis de setenta chefs, xornalistas e operadores turísticos de ao redor de quince países.

A caravana de Enbhiga visitará comarcas como Valdeorras, Terra de Trives, a Limia e a Ribeira Sacra, e aínda que se centre na enogastronomía, mostrarase aos participantes a riqueza monumental, paisaxística, termal, cultural e de lecer da provincia.

O día 17 de outubro as actividades trasladaranse á capital de provincia onde “os cociñeiros estarán nos establecementos da zona de viños para traballar man a man cos nosos  restauradores e poidan intercambiar opinións”, explicou Miguel González. O mesmo día celebrarase unha feira con casetas para produtores e artesáns, así como showcookings cada media hora para que os ourensáns poidan ver o que se fai noutros países.

Non faltará unha xornada para realizar un roteiro termal e de balnearios, así como unha visita á Escola de Hostalería de Vilamarín. Nin tampouco unha oportunidade para que os participantes realicen un tramo do Camiño de Santiago na zona da Gudiña.

O presidente de “Cociña Ourense” afirmou que seguirán traballando nestas datas “para definir xunto con outros municipios interesados no proxecto, un calendario de actividades diversificado que permita sumar ao programa novos territorios e propostas”.

Sen ningunha dúbida, Enbhiga suporá unha oportunidade para achegar a provincia de Ourense ao resto do mundo.

19 de Agosto de 2019
enbhiga

A IV edición de Enbhiga achegará a provincia de Ourense como destino enogastronómico ao resto do mundo

O encontro  Bioceánico-Hispano que naceu fai catro anos en Arxentina –  Enbhiga– chega por primeira vez a Europa e reunirá en Ourense a cociñeiros, operadores de […]
09 de Agosto de 2019
museovino

Galicia estrea dous museos moi ” bebibles”: o Museo do Viño de Galicia e o primeiro Museo da Cervexa de España

Continuando coa aposta decida polo impulso do enoturismo, Galicia dá un paso adiante coa apertura de dúas novas infraestruturas museísticas vinculadas co viño e a cervexa […]
01 de Agosto de 2019
RP_Goretti_Ramon

O BNG e Hostalaría Compostela presentan unha iniciativa para a promoción dos viños galegos con denominación de orixe en Santiago

Co obxectivo de contribuír á promoción dos viños con denominación de orixe galega, o grupo municipal do BNG en Santiago e a Asociación Hostalaría Compostela promoverán […]
31 de Xullo de 2019
Xacobeo_2021

Xunta e o ICTE traballarán nun proxecto conxunto para mellorar espazos do Camiño de Santiago que poidan obter a ‘Q’ de calidade

O proxecto implantarase no Camiño Portugués e na Ruta do Mar de Arousa e Ulla, á vez que se reforzan as rutas vitivinícolas Dentro da folla […]