Diputación A Coruña

A Deputación da Coruña fixo público o programa de subvencións dirixidas a entes de xestión, asociacións, mancomunidades e consorcios turísticos para a mellora da calidade e a competitividade, así como a realización de actividades turísticas durante o ano 2017 na que se concede un total de 560.000 euros destinados a oito entidades de toda a provincia para o impulso do turismo de calidade e a profesionalización e modernización do sector turístico.
Ferrolterra é o consegue máis fondos, 180.000 euros que se reparten entre a Mancomunidade de Concellos da Comarca de Ferrol, que recibe 100.000 euros para elaborar un plan de promoción das Rías Altas a través de diversos eventos e a creación de bonos de experiencias, e a Sociedade Mixta de Turismo de Ferrol, á que se lle concederon 80.000 euros para potenciar rutas como a das Meninas de Canido ou o Camiño Inglés e mellorar a xestión técnica da entidade.

Na comarca de Barbanza foron tres os entes turísticos que solicitaron as axudas da Deputación: a Asociación Rural de Desenvolvemento da Ría de Muros-Noia recibiu 40.000 euros para realizar cursos para profesionais do turismo e desenvolver o programa “Experiencia Ría de Muros-Noia”, que inclúe actividades gastronómicas, culturais e deportivas. A Asociación Socio-Cultural Auga e Sal utilizará os 20.000 euros achegados pola Deputación para adquirir material de promoción e realizar visitas guiadas na contorna de Muros. Por último, a Mancomunidade da ría de Arousa-Zona Norte, que conta cunha achega provincial de 60.000 euros, financiará a participación en feiras internacionais como ITB Berlín, WTM Londres ou o Salón Náutico de París, así como a organización de eventos turísticos na zona e a mellora da xestión técnica.

Doutra banda, Información e Comunicación Local (INCOLSA) tamén contará cunha achega provincial de 120.000 euros para levar a cabo acciones como o evento Santiago (e)tapas, desenvolver unha aplicación turística e realizar novas actividades ao redor da música e as tradicións populares no xeodestino das Terras de Santiago.

Unha achega da mesma contía económica tamén foi concedida ao Consorcio de Turismo e Congresos da Coruña, para a realización de actividades na zona das Mariñas, como os econtros gastronómicos Picado e Bocadillo Gourmet ou o I Xornada de Turismo Urbán.

No caso de Costa da Morte, a Deputación contribuirá, cunha achega de 20.000 euros, ao desenvolvemento do programa “O Encaixe no Camiño”, do que se encarga a asociación de Empresarios e de Promoción Turística de Camariñas. Este programa inclúe unha exposición no Faro Vilán, unha ruta deste Camariñas ata Santiago de Compostela e unha celebración do día de Camariñas o 25 de xullo, consistente nunha recreación da lenda sobre a orixe do Encaixe.

25 de Agosto de 2017
Ponte-no-Rio-Eume-Viveza

560.000 euros para promocionar o seis xeodestinos da provincia da Coruña

A Deputación da Coruña fixo público o programa de subvencións dirixidas a entes de xestión, asociacións, mancomunidades e consorcios turísticos para a mellora da calidade e […]
08 de Marzo de 2017
albergues camino santiago

Primavera no Camiño, nova campaña da Deputación da Coruña

Co obxectivo de dar a coñecer os atractivos do Camiño Inglés e impulsar a afluencia de peregrinos que empregan este itinerario para chegar a Compostela, a […]
21 de Xaneiro de 2017
camino diputacion pontevedra 2

A Ruta Xacobea e as súas initinerarios, carta de presentación da oferta diferenciada galega en Fitur

O Camiño da Costa, o Francés, o de Betanzos ou o da Costa foron os protagonistas de catro das presentacións suceder na caseta de Galicia durante […]
04 de Xaneiro de 2017
Torre de Hércules

A Torre de Hércules e o Mosteiro de Caaveiro melloran cifras de visitantes en 2016

Son só dous exemplos de polos turísticos na provincia da Coruña pero ambos marcaron boas cifras de visitantes en 2016. No caso da Torre de Hércules foron […]