deputación de Lugo

As xornadas Exaltacións Gastronómicas, organizadas pola Asociación Provincial de Empresarios de Hostalaría e Turismo de Lugo (Apehl) en colaboración coa Deputación de Lugo, terán lugar ao longo do ano 2019, coincidindo coa última semana completa de cada mes. Cada unha delas irá dedicada a tres ou catro produtos típicos da provincia.

Celebraranse un total de 8 xornadas, unha cada mes, nas que participarán 51 establecementos de toda a provincia. A do mes de abril estará dedicada ás Fabas de Lourenzá, á Pescada do Petisco de Burela e ao Queixo Arzúa Ulloa. No mes de maio exaltarase a Tenreira Galega Suprema de Avermellada Galega, os Grelos de Galicia e o Queixo do Cebreiro; en xuño, a Pescada do Petisco de Burela, o cordeiro de raza Ovella Galega e as Castañas de Galicia; en xullo, o Bonito de Burela, o Lacón Galego e os Pementos de Mougán; en agosto, o Bonito de Burela, a Castaña de Galicia e os Pementos de Mougán; en setembro, a carne de Porco Celta, os Grelos de Galicia, a Pataca de Galicia e o Mel de Galicia; en outubro, as Fabas de Lourenzá, a Tenreira Galega, o Queixo San Simón da Costa e o Mel de Galicia, e en novembro, a carne de raza Galiña de Mos, os Grelos de Galicia, a Pataca de Galicia e o Queixo de tetilla. Todas elas irán acompañadas de produtos avalados polos selos de CRDO Ribeira Sacra, Afapan, IXP Augardentes e Licores Tradicionais de Galicia e Galletas Daveiga.

O presidente da Asociación Provincial de Empresarios de Hostalaría e Turismo de Lugo (Apehl), Cheché Real, sinalou durante o acto de presentación que “o obxectivo é que ao longo de todo o ano tanto visitantes como residentes teñan a oportunidade de gozar da nosa boa materia prima, elaborada e servida polos nosos excelentes profesionais”. Para facelo posible Real destacou o apoio das diferentes entidades gastronómicas.

Pola o seu parte, o presidente da Deputación Provincial de Lugo, Darío Campos, subliñou que “é unha iniciativa coa que Deputación, APEHL e Hostaleiros, xuntamos forzas para continuar promovendo o consumo das materias primas que hai na nosa provincia, que ademais de ser de ser de altísima calidade e contar con grande recoñecemento entre a cidadanía, son un motor xerador de economía e emprego”.

17 de Abril de 2019
presentacion_exaltacions_gastronomicas (2)

A APEHL e a Deputación de Lugo presentan as xornadas exaltacións gastronómicas que se desenvolverán até fin de ano

As xornadas Exaltacións Gastronómicas, organizadas pola Asociación Provincial de Empresarios de Hostalaría e Turismo de Lugo (Apehl) en colaboración coa Deputación de Lugo, terán lugar ao […]
26 de Decembro de 2018
Jornadas Turismo Agroalimentario Lugo

A Deputación de Lugo aposta por desenvolver un turismo agroalimentario con experiencias de éxito

Representantes do turismo agroalimentario provincial, axentes turísticos, produtores, guías, expertos en comunicación, hostaleiros… déronse cita nas primeiras Xornadas de Turismo Agroalimentario que celebrou a Deputación de […]
22 de Outubro de 2018
Consello Provincial Turismo Lugo

O Consello Provincial de Turismo de Lugo dá a coñecer aos seus representantes

A Deputación promove este organismo, cuxo obxectivo pasa por buscar un modelo turístico máis competitivo e rendible na provincia A Deputación de Lugo constituíu o Consello […]
03 de Setembro de 2018
Lugo

Lugo pon en marcha o seu Consello Provincial de Turismo

A Deputación de Lugo está a ultimar a posta en marcha do novo Consello Provincial de Turismo, que buscará impulsar o crecemento e a transformación do […]