Alsa difundirá a imaxe do Ano Santo nos seus autocares e ofrecerá aos peregrinos un desconto do 15% nos billetes de volta
A Xunta tamén asinou un convenio con Iberia para vinilar un avión co logo do Xacobeo, así como con Vegalsa-Eroski e con Husqvarna

Iberia e Alsa únense á promoción do próximo Ano Santo a través da firma de senllos convenios que converterán ás dúas firmas en promotoras do Camiño de Santiago e do Xacobeo 2021. Ambos os acordos fixéronse públicos no marco de Fitur, a Feira Internacional de Turismo que se celebrou a semana pasada en Madrid.

En virtude do acordo asinado con Alsa, o operador de mobilidade promocionará a imaxe do Xacobeo 2021 nos seus autocares, ademais de ofrecer aos peregrinos un 15% de desconto no seu billete de volta aos seus lugares de orixe. No caso de Iberia, a compañía comprométese a vinilar un avión coa imaxe do Xacobeo 2021 nunha acción que inclúe unha decena de actuacións divulgativas e promocionais vinculadas co próximo Ano Santo, volvendo implicarse na celebración do Ano Santo, tal e como leva facendo desde o Xacobeo 2004.

Finalmente no caso de Vegalsa-Eroski, o convenio asinado supón a inxección dun millón de euros ao Xacobeo mentres que a de Husqvarna suma 550 mil euros ao patrocinio do Ano Santo. Todos estes patrocinios suman un total de 9 millóns de euros para a celebración do próximo Xacobeo.

“O Xacobeo 2021 é un escaparate único para a nosa terra. Estamos ante unha oportunidade excepcional de mostrar nosa mellor versión, e neste obxectivo resulta imprescindible contar co apoio de administracións, asociacións e empresas como Alsa, recoñecida a nivel internacional”, explicou o titular de Cultura e Turismo, a tempo que destacou noutro acto o prestixio e o carácter internacional dunha empresa como Iberia, cuxa implicación permite á Xunta avanzar no proceso de implicar ás empresas e sociedade civil na promoción do próximo Ano Santo.

31 de Xaneiro de 2020
Convenio iberia Xacobeo 2021

En avión e en autobús, a promoción do Xacobeo 2021 vai sobre rodas

Alsa difundirá a imaxe do Ano Santo nos seus autocares e ofrecerá aos peregrinos un desconto do 15% nos billetes de volta A Xunta tamén asinou […]
16 de Xullo de 2019
11,00 h.- O conselleiro de Cultura e Turismo, Román Rodríguez, acompañado da directora da Axencia Turismo de Galicia, Nava Castro, e do director xeral de Desenvolvemento Rural, Miguel Pérez Dubois, asinará 11 convenios de colaboración con distintos xeodestinos da Comunidade. Asistirán representantes de Ancares-Courel, As Mariñas, Condado-Paradanta, Celanova-Baixa Limia, Deza-Tabeirós, Manzaneda-Trevinca, O Ribeiro, Ría de Muros-Noia, Ría de Vigo e Baixo Miño, Terras de Santiago e Verín-Viana. Na Sala Eisenman (Monte Gaiás, s/n).
foto xoán crespo
12/07/2019

A Consellería de Cultura e Turismo asina convenios cos 11 xeodestinos para o impulso de actividades de promoción turística nun centenar de concellos

O compromiso da Xunta suporá un investimento de máis de medio millóns de euros Co obxectivo de difundir o potencial turístico dos concellos que conforman os […]
18 de Xuño de 2019
vista Secretaria de Estado de Turismo Santiago

Acordo de colaboración para avanzar en innovación, calidade e sustentabilidade do turismo en Galicia

A Consellería de Cultura e Turismo asinou un acordo coa secretaria de Estado de Turismo para homoxeneizar os criterios de excelencia e calidade do sector no […]
18 de Xuño de 2019
convenio caixabank Xacobeo2021 2

CaixaBank e Xunta asinan un convenio que pon a disposición do sector turístico galego unha liña de financiamento de 1000 millóns de euros

Co obxectivo de seguir dotando de medios ao sector e ao territorio de face ao próximo Xacobeo2021, o conselleiro de Cultura e Turismo, Román Rodríguez, e […]