Clúster Turismo de Galicia

Poderanse presentar propostas a cinco das categorías a concurso a través de web ou correo electrónico

Queres presentar unha candidatura a algunha do cinco categorías abertas a concurso dos Premios Galicia de Turismo? Na web dos premios recóllese o formulario que tes que cubrir para presentar a unha persoa, entidade ou iniciativa a estes galardóns cuxa primeira edición se fallará a finais de ano nunha gala que se celebrará na Coruña.

Impulsados pola Consellería de Cultura e Turismo e o Clúster Turismo de Galicia os premios nacen cun total de nove categorías das que cinco están abertas á presentación de candidaturas de forma libre. As categorías son Vangarda, que recoñecerá unha iniciativa, persoa ou entidade que destacase pola posta en marcha de accións que impliquen unha novidade conceptual ou innovación tecnolóxica; Sustentabilidade, que recoñecerá a unha persoa ou entidade que destacase no impulso do turismo sustentable en Galicia; Patrimonio, que recoñecerá o traballo para manter ou mellorar o patrimonio histórico, artístico ou cultural galego; Promoción, que recoñecerá unha promoción de mercadotecnia en prol do destino Galicia e Evento, que recoñecerá unha persoa ou evento que contribuíse á promoción de destino.

As candidaturas pódense enviar vía web ou a través do correo candidaturas@premiosgaliciadeturismo.gal até o próximo 10 de novembro, non podendo presentarse a mesma candidatura ao cinco categorías por parte do mesmo proponiente. Os premios non teñen dotación económica e non poderán quedar desertos.

O mesmo prazo, até o 10 de novembro, terá tamén o público xeral para votar entre os 24 candidatos ao premio na categoría de Escenario, que recoñecerá unha localización natural, urbana, histórica ou cultural destacada pola súa beleza, relevanica, coidado e conservación, a través dunha votación aberta.

Finalmente, o tres ultimas categorías serán decididas por un xurado composto por profesionais do sector: “Embaixador/a Nacional”, “Embaixador/a Internacional” e “Pioneiro”, nas que se recoñecerá unha persoa de prestixio e transcendencia pública no ámbito nacional ou internacional que se distinguiu pola súa contribución á difusión de Galicia como destino turístico mentres que o de pioneiro distinguirá a unha empresa ou persoa que abrise novos camiños ou experiencias de éxito no sector.

15 de Outubro de 2019
premios galicia turismo

Aberto até o 10 de novembro o prazo para presentar candidaturas aos premios Galicia de Turismo

Poderanse presentar propostas a cinco das categorías a concurso a través de web ou correo electrónico Queres presentar unha candidatura a algunha do cinco categorías abertas […]
07 de Outubro de 2019
Premios Galicia de Turismo  presentación

Xunta de Galicia e Clúster Turismo de Galicia crean os premios Galicia de Turismo que recoñecerán iniciativas exitosas do sector

A iniciativa, que xorde con vocación de continuidade, concederá nove galardoes a persoas, empresas e proxectos pola súa contribución a mellorar o desenvolver o sector turístico […]
27 de Setembro de 2019
- CLUSTER TURISMO DE GALICIA - workshops Malaga Sevilla Lisboa

Aberto o prazo para inscribirse no terceiro workshop de proximidade do Clúster de Turismo de Galicia

Lisboa é o terceiro destino elixido polo CTG para achegar a oferta turística galega á turoperación situada en destinos próximos a Galicia Co obxectivo de dar […]
24 de Setembro de 2019
presentación nuevo plan CSHG

O CSHG afronta un plan de renovación por importe de máis de 5 millóns de euros para converterse en centro de referencia en innovación turística

Implantarase o grao de Innovación Gastronómica e Xestión Hostaleira na Universidade de Santiago coa colaboración do sector A Xunta de Galicia presentou o plan de acción […]