Clúster Turismo de Galicia

O sector turístico galego móstrase cauto para esta ponte de decembro, marcado tradicionalmente polo turismo urbano e de proximidade, que é o que adoita elixir Galicia para facer unha escapada nestas datas. Será determinante as reservas de última hora e as previsións meteorolóxicas, que son boas en conxunto, aínda que o venres é posible que estea marcado pola choiva. Así pois as previsións xerais para o conxunto de Galicia poderíanse situar ao redor do 60 a 70% de ocupación, nunha liña similar ás cifras marcadas nos de decembro de 2015 ou 2016, con ocupacións lixeiramente máis baixas que as do ano pasado, que foi unha ponte excepcionalmente boa.
Tradicionalmente é unha ponte no que funciona moi ben o turismo rural, que prevé unha ocupación en torno ao 46%. Este tipo de aloxamento é o elixido por viaxeiros que buscan a tranquilidade, a desconexión e propostas vinculadas coa gastronomía – cabe lembrar que aínda está en marcha o Outono Gastronómico, sen esquecer que son moitos os territorios onde se están celebrando estes días rutas de tapas e xornadas de exaltación dalgún produto- . Tamén a gastronomía anima propostas nalgúns concellos de Costa da Morte ou Salnés para este período, que agardan ocupacións en torno ao 70%, cifra que os hostaleiros de Costa da Morte consideran moi positivas. No Salnés a ocupación pode ser lixeiramente inferior á do ano pasado, en que marcaron cifras especialmente boas no conxunto do ano e nesta ponte en concreto, pero poderían estar situadas tamén entre o 70 e o 75%, aínda que nas Rías Baixas confían nas reservas de última hora que están a entrar estes días para mellorar o resultado de ocupación final.
Santiago de Compostela posiblemente quedará algo por baixo, en torno ao 60% de ocupación, igual que Lugo, mentres que Coruña agarda alcanzar un torno ao 68% de mércores a sábado, lixeiramente por baixo do ano pasado. Os que si teñen boas perspectivas son os hostaleiros de Vigo, moitos dos cales agardan colgar o cartel de completos con viaxeiros que acoden á cidade atraídos pola proposta do turismo de compras e a iluminación do Nadal. As expectativas para a ponte na hostalería olívica son altas, con ocupacións en torno ao 85% a 90%. Finalmente Ourense apuntaría tamén bos resultados na cidade, co atractivo do turismo de compras e o termal, cunha previsión de ocupación en torno ao 75% a 80%, mentres que a Ribeira Sacra podería situarse entre o 40% e o 60%, con cifras variables segundo a zona e Pontevedra cidade quedaría ao redor do 75% de ocupación.
  • Copiar
04 de Decembro de 2018
viajeros turistas recurso

O sector turístico galego agarda unha ponte de decembro con boas expectativas

O sector turístico galego móstrase cauto para esta ponte de decembro, marcado tradicionalmente polo turismo urbano e de proximidade, que é o que adoita elixir Galicia […]
28 de Novembro de 2018
workshop_barcelona

Excelente acollida do primeiro workshop da Deputación de Pontevedra en Barcelona

Deputación e empresas mantiveron diferentes encontros con empresas e entidades para a promoción das súas empresas e a presentación do destino Rías Baixas O Hotel Grand […]
26 de Novembro de 2018
jornada de clausura

A experiencia do cliente sitúase como elemento clave e de futuro para o sector turístico

Dous relatorios e unha mesa redonda en torno ao cliente centraron a xornada de peche oficial do Plan de Formación do Clúster Turismo de Galicia A […]
22 de Novembro de 2018
P1230694

Preto de 200 profesionais do sector turístico participaron no workshop de Porto do Clúster Turismo de Galicia

Máis de medio centenar de profesionais do sector turístico galego mantiveron encontros comerciais con case medio centenar de empresas de turoperación de Porto. Ao redor dunhas […]