Clúster Turismo de Galicia

A 49ª edición do “Festival Interceltique de Lorient” (Francia), que arrancou o pasado 2 de agosto para celebrar a tradición das nacións celtas, conta este ano con Galicia como territorio convidado baixo o título “Année de la Galice”.

 

O conselleiro de Cultura e Turismo, Román Rodríguez, inaugurou o pavillón que ata o próximo día 11 se adicará á nosa comunidade. Neste acto, o representante do Goberno galego desexou que a presenza galega neste evento sirva para proxectar a nosa cultura e identidade coa ollada posta no próximo Xacobeo 21, un evento “que situará a Galicia como epicentro cultural a nivel internacional”. E apuntou, “o que veredes nos próximos días neste pavillón é unha mostra de todo o bo que a cultura galega pode ofrecerlle ao mundo”, agardando que esta celebración permita “estreitar aínda máis os lazos entre Galicia e Bretaña”.

 

O Clúster de Turismo conta cun posto destacado dentro do pavillón de Galicia para amosar ao público asistente a oferta da nosa comunidade como destino cultural, gastronómico e turístico de calidade, acompañando ao gran programa artístico de música e danza que se desenvolverá ao longo da semana.

 

Agárdase que pasen polo festival máis de 750.000 persoas chegadas de todo o mundo durante os nove días de celebración, ademáis dos aproximadamente 4500 artistas dunha ducia de países, o que supón unha grande oportunidade para facer gala da nosa calidade como destino.

 

Galicia mostrará nesta histórica cita o mellor da súa tradición musical, acollendo no recinto 55 concertos nos que participarán máis de 300 atrtistas. Asistirán tanto músicos de renome como Carlos Núñez ou Mercedes Peón coma outros que están a renovar a nosa tradición musical, como Davide Salvado

 

 

‘Grand Nuit de Galice’

 

Hoxe luns celebrarase A Grand Nuit de Galice, na que a tradición galega será protagonista, mentres que o martes terá lugar un obradoiro de baile galego da man de Xacarandaina. O mércores pasarán polo pavillón de Galicia en Lorient Ariel Ninas, Do Fondo da Barra e, xa pola noite, no Espace Marine, actuará o grupo Milladorio, unha das bandas máis recoñecidas da música galega.

 

O xoves ocupará ese mesmo escenario o gaiteiro galego Carlos Núñez mentres que o venres o prato forte do Festival de Lorient será a actuación do músico Xosé Lois Romero. Xa o sábado, o evento rematará coa actuación da artista Mercedes Peón.

05 de Agosto de 2019
Inauguracion Lorient

O Clúster de Turismo de Galicia presente no Festival Intercéltico de Lorient para promocionar a súa calidade como destino

A 49ª edición do “Festival Interceltique de Lorient” (Francia), que arrancou o pasado 2 de agosto para celebrar a tradición das nacións celtas, conta este ano […]
15 de Xullo de 2019
Ultima jornada dinamización Condado Paradanta

A captación do mercado de proximidade e a intervención de operadores turísticos que coñezan o territorio, conclusións das xornadas impulsadas polo GDR Condado Paradanta

Durante tres sesións, 17 expertos e profesionais da mercadotecnia, a comercialización e o desenvolvemento turísticos han abordado os retos de dinamización de zonas rurais en Galicia […]
05 de Xullo de 2019
Festival Intercéltico de Lorient

A oferta turística gallega estará presente no Festival Intercéltico de Lorient

No marco da celebración do Année da Galice (Ano de Galicia) na 49ª edición do Festival Intercéltico de Lorient, que terá lugar do día 2 ao […]
03 de Xullo de 2019
concurso de ideas (1)

O Clúster Turismo de Galicia impulsará cos seus asociados 5 proxectos de promoción de destino por valor de máis de 130 mil euros

A entidade xa está na fase de licitación e posta en marcha das propostas, que foron aprobadas na pasada Asemblea Xeral No marco das actuciones aprobadas […]