Axencia de Turismo de Galicia

O programa de artes escénicas Vive o Camiño ofrecerá durante desde finais de xuño e ata o mes de setembro máis de 40 actividades gratuítas dirixidas a todos os públicos, que se celebrarán nos concellos galegos do Camiño Portugués e do Camiño Portugués da Costa. Con eles Turismo de Galicia, impulsor da iniciativa, busca encher de música e teatro o territorio do itinerario do Camiño Portugués e do Portugués pola Costa, as dúas rutas ás que o Goberno galego dedica en 2018 os seus esforzos, como parte do cronograma do Plan Director do Camiño.

En total, programaranse 44 actividades gratuítas, entre contacontos e actuacións musicais, a cargo de diferentes artistas, accións que irán acompañadas dunha exposición informativa tanto do Camiño Portugués como do Camiño Portugués da Costa.

A primeira parada de ‘Vive o Camiño’ será o vindeiro luns, 25 de xuño, no concello pontevedrés da Guarda, e a última, o 14 de setembro, no municipio coruñés de Ames. A oferta distribuirase polo Rosal, Oia, O Porriño, Nigrán, Pontevedra, Baiona, Mos, Valga, Vigo, Redondela, Soutomaior, Vilaboa, Barro, Caldas de Reis, Tui, Portas, Pontecesures, Padrón, Rois, Dodro e Teo.
A programación inclúe a particular proposta de contos e historias das árbores do Camiño Portugués, que concienciará da importancia de protexer o patrimonio forestal da ruta xacobea, a cargo de Anxo Moure. Un espectáculo que estará acompañado nalgunhas localidades por animación da música en directo de Servando Barreiro.
Ademais, durante ‘Vive o Camiño’ presentarase o novo espectáculo de Magín Branco e completarán a oferta a cantante Silvia Penide, co seu espectáculo Feminino Plural, e Najla Shami, con Camiños de culturas, que estará acompañada por guitarrista e, nalgúns casos, por percusión, para facer orixinais mesturas entre música galega e outras de sons africanos, brasileiros e mesmo o jazz.
Ademais, durante este ano realizaranse en ambas as itinerarios accións de acondicionamento e sinalización cun investimento de 2,5 millóns de euros, co que se quere facer un reforzo da capacidade de acollida, sinalización, promoción destas rutas xacobeas.

13 de Xuño de 2018
Galicia_Vive_O_camino

Vive o Camiño ofrece este verán máis de 40 actividades

O programa de artes escénicas Vive o Camiño ofrecerá durante desde finais de xuño e ata o mes de setembro máis de 40 actividades gratuítas dirixidas […]
12 de Xuño de 2018
mesaturismojunio

A Deputación de Pontevedra incluirá ao sector privado nas súas próximas accións de promoción

A institución provincial avanzou que as próximas citas de promoción turística serán en Barcelona e Lisboa Baixo as máximas de consenso e unanimidade quedou constituída a […]
01 de Xuño de 2018
Turexpo 2018

Turexpo celebrará a súa oitava edición coa participación de máis de 40 turoperadores internacionais

A feira sectorial celebrarase do 7 ao 10 de xuño no recinto feiral de Silleda O Salón Turístico de Galicia, Turexpo, volverá abrir as súas portas […]
01 de Xuño de 2018
workshop cluster galicia oviedo 5

Preto de 200 profesionais déronse cita nos workshops do Clúster de Turismo en Oviedo e Valladolid

Turoperadores de Asturias e Castela e León mantiveron encontros profesionais cos máis de 40 empresarios galegos Impulsados polo Clúster Turismo de Galicia en colaboración con Turismo […]