Asociación Provincial de Empresarios de Hostelería y Turismo de Lugo

A administración autonómica financia con 250.000 euros o programa que se prolongará durante un ano co obxectivo de alcanzar unha inserción laboral mínima do 45%

Como novidade, os participantes poderán obter o certificado de profesionalidade en operacións básicas de restauración, recibirán bolsas por asistencia ás distintas accións do programa e acceso a servizos de conciliación como garderías

A Consellería de Economía, Emprego e Industria en colaboración coa Asociación Provincial de Empresarios de Hostalaría e Turismo de Lugo (Apehl) puxeron en marcha o plan integral de emprego “Dimo Lugo V” do que poderán beneficiarse 100 persoas en situación de desemprego, con preferencia por colectivos con difícil inserción como os menores de 30 anos sen cualificación, persoas con discapacidade, mulleres e inmigrantes. 70 alumnos participarán nas accións a desenvolver en Lugo capital e 30 en Monforte de Lemos.

O programa, que actualmente ten aberta a fase de selección das persoas participantes, terá un ano de duración e incorpora un programa específico de formación e prácticas en empresas que mellorará a cualificación e desempeño dos futuros profesionais da hostalaría e restauración, un ámbito de especial importancia nunha provincia con gran potencial turístico e de servizos como é a de Lugo.

Formación para o emprego específica e transversal
As accións formativas son moi variadas e os 100 alumnos participantes teñen a oportunidade de adquirir coñecementos teóricos e prácticos en ámbitos como a manipulación e hixiene alimentaria, alfabetización informática, auxiliar de cociña e sala, camareiro/a de pisos, axudante de cociña e inglés básico para hostalaría, entre outros, que se adaptarán en función da demanda e do perfil dos participantes. O programa inclúe tamén accións personalizadas de información, orientación e asesoramento na procura activa de emprego, prevención de riscos, taller de entrevistas e competencias dixitais e redes sociais. A iniciativa busca a inserción laboral como mínimo do 40% dos seus participantes, unha vez finalizado o programa formativo, aínda que a Apehl espera chegar como mínimo ao 45% conseguido na edición anterior.

Novidades
Entre as novidades desta edición, destacaron que se poderán obter un certificado de profesionalidade en operacións básicas de restaurante e bar, así como a concesión de bolsas de 5 euros por cada día de asistencia ás accións do programa. O programa inclúe tamén, como medida de apoio aos participantes, iniciativas de conciliación, tales como un servizo de gardaría ou de coidado e atención de persoas maiores dependentes.

12 de Decembro de 2019
acuerdo aphel

Un cento de persoas desempregadas recibirán formación en hostalaría a través de Dimo Lugo V, impulsado pola APEHL e Xunta de Galicia

A administración autonómica financia con 250.000 euros o programa que se prolongará durante un ano co obxectivo de alcanzar unha inserción laboral mínima do 45% Como […]
09 de Decembro de 2019
Lanzamiento de COMPETUR

Balance da hostalaría de Galicia: o sector empregou a máis de 66 mil persoas e facturou máis de 4.700 millóns de euros, o 4,5 % da riqueza rexional

O sector asinou un acordo a nivel nacional con Cervexeiros de España para crear Competur, para traballar na competitividade do sector como tractor da economía española […]
13 de Setembro de 2019
concurso tapas lugo

A gastronomía lucense, en tapas e sobre rodas

Esta semana remata a Volta Ciclista a España na que a gastronomía lucense ha volto a estar presente a través do posto E para comer, Lugo […]
17 de Xullo de 2019
autocaravanas

As asociacións hostaleiras que integran A Forza do Norte denuncian a proliferación de áreas ilegais de estacionamento de autocaravanas

A Asociación Galega de Autocaravanas (AGA), pola súa banda, acusa os hostaleiros de pretender recluílos nos cámpings e coartar o seu dereito a estacionar en igualdade […]