Ourense acollerá unha xornada de competitividade, promoción e comercialización do turismo activo en Galicia
O Balneario Caldaria-Laias, en Cenlle, será a sede da xornada, que se celebrará o próximo 29 de xuño
Con tres relatorios marco e unha mesa de debate, o encontro ten xa o prazo de inscrición aberto
Co obxectivo de celebrar un punto de encontro entre todos os axentes do sector implicados no turismo activo, o Balneario Caldaria-Laias, en Cenlle, é o lugar elixido para celebrar unha xornada sobre competitividade, promoción e comercialización do turismo activo en Galicia. Baixo o título “O Novo Turismo Activo en Galicia”, o encontro terá lugar o próximo 29 de xuño en xornada de mañá e está impulsado polo Clúster Turismo de Galicia, coa colaboración de Turismo de Galicia.
Ademais, e desarollándose en Ourense e nun balneario, a xornada tamén presentará atención á creación de sinerxías entre o turismo activo e o turismo termal, elemento diferenciador desta provincia. O encontro hase concenbido para que participen todos os axentes do sector turístico activo galego así como operadores turísticos e axentes da cadea de valor implicados en todo o proceso de promoción e comercialización deste turismo. O obxectivo final é que a xornada de traballo sirva para recoller de forma directa as necesidades de creación e distribución do produto de turismo activo, ademais de crear sinerxías entre os diferentes axentes e establecer unha comunicación a longo prazo que mellore a implementación do turismo activo en Galicia.
Tres relatorios e unha mesa de traballo
O programa da xornada concibiuse para fomentar o networking e o intercambio de necesidades e posibles solucións. Por iso a xornada componse de tres relatorios marco a cargo de Agustín Rico, da Asociación galega de empresas de turismo activo e natureza (AGETAN), encargado de abrir a xornada cun breve diagnóstico da situación do sector en Galicia.
A continuación intervirán relatores convidados de dous casos de éxito. Por unha banda Javier García e Adrián Tejero falarán do modelo de colaboración público privada, e de xestión compartida de Prepyr365, un modelo no posicionamento turístico dun territorio para a práctica de turismo activo. A continuación un representante da empresa portuguesa TOBOGA exporá cales son as súas claves para competir no mercado diferenciándose pola súa calidade.
Finalmente haberá unha mesa de debate sobre o novo turismo activo de Galicia na que participarán o presidente da Federación Galega de Turismo Rural, Cesáreo Pardal, José Luís Fernández, membro de AGETAN e Joaquín Gómez-Varela, experto en actividades deportivas no medio natural, da Universidade da Coruña.
Destinos locais e internacionais, ademais de empresas e entidades do sector, terán cabida no I Salón do Deporte e o Turismo Activo
Sportur Galicia, que se celebrará en Expouresnse en novembro, celebrou a súa primeira reunión do comité asesor
A secretaria xeral para ou Deporte da Xunta de Galicia, Marta Míguez; a directora de Promoción da Axencia Galega de Turismo, Carmen Pita, e o director xerente de Expourense, Alejandro Rubín, foron os encargados de presentar Sportur Galicia ao Comité Asesor que colaborará na posta en marcha deste I Salón do Deporte e Turismo Activo, que se celebrará no recinto feiral ourensán os días 17, 18 e 19 de novembro, coincidindo coa celebración da Carreira Popular de San Martiño. Confirmado por unha quincena de representantes relacionados co turismo e o deporte de entidades públicas e privadas, empresas e federacións deportivas de toda Galicia vinculadas a produtos turísticos, o comité asesor puido coñecer así o proxecto desta nova cita feiral, coñecer o espazo expositivo e debater sobre as actividades que se van a desenvolver durante a celebración do salón.
Sportur Galicia nace co obxectivo de dar a coñecer Galicia como destino activo e saudable e promocionar a multitude de opcións que esta comunidade ofrece para os afeccionados ao deporte e ás actividades ao aire libre, animando ao mesmo tempo aos propios galegos a practicalas. Na feira terán cabida desde destinos locais ou internacionais ou outras entidades que queiran promocionar os seus recursos vinculados a este sector ata empresas de equipamentos para o deporte e a aventura ou especializadas na venda de paquetes turísticos que inclúan actividades deste tipo. Haberá tamén un espazo dedicado ás distintas asociacións e federacións deportivas de Galicia para que poidan promocionar as actividades que organizan. Forman parte de
Entidades implicadas
O comité asesor está conformado polas federacións galegas de deportes como as actividades subacuáticas, os deportes de inverno, caza e pesca, golf, piragüismo, remo, surf, espeleología, vea ou montañismo e complétase coa representación da concellaría de Deportes de Ourense, o INORDE, a Universidade de Vigo-Campus de Ourense, o Clúster de Turismo de Galicia, a Estación de Inverno Manzaneda, o Grupo Caldaria, a asociación de empresas concesionarias de portos deportivos Mariñas de Galicia, a Federación de Veciños Limiar e a Federación Galega de Turismo Rural FEGATUR.
Aprobado o Plan de Accesibilidade Turística e do Camiño de Santiago para avanzar no turismo inclusivo en Galicia no horizonte 2019
Inclúe catro liñas estratéxicas para actuacións no destino Galicia e outro sete para as actuacións no Camiño de Santiago en particular
A Xunta aprobou o Plan de accesibilidade turística e do Camiño de Santiago, a folla de ruta coa que a Xunta quere converter Galicia nun referente en materia de turismo inclusivo no horizonte 2019. Trátase dun dos documentos desenvolvidos no marco da Estratexia do turismo de Galicia 2020 e que tamén se aliña co Plan director e estratéxico do Camiño de Santiago. O plan, que inclúe un diagnóstico e unha batería de accións relacionadas, articúlase ao redor de catro liñas estratéxicas de desenvolvemento no destino Galicia e outro sete para a súa posta en marcha no Camiño de Santigo entre as que se atopa mellora de sinalización, guías de boas prácticas ou formación e sensibilización dos profesionais, entre outras.
Para a súa elaboración analizáronse preto de 700 establecementos, entre aloxamentos e restaurantes en Galicia, e, no Camiño de Santiago, avaliouse o grao de accesibilidade de máis de 50 etapas, así como a situación en preto de 200 establecementos de hospedaxe. Tamén se analizaron uns 80 puntos de interese turístico na ruta xacobea. Tras estúdoo, atopáronse áreas de mellora en asuntos como a necesidade de maior presencia da oferta do turismo accesible, melloras na sinalización, e máis formación e sensibilización no sector. Por iso, e baseándose nos resultados obtidos nestes diagnósticos, establecéronse as estratexias e accións que é necesario levar a cabo para mellorar a competitividade do destino e para converter a Galicia nun referente en accesibilidade turística.
Ao amparo deste plan analizarase e mellorarase a accesibilidade nos principais puntos turísticos, das empresas turísticas e das oficinas de atención, incluíndo entre algunhas medidas, as liñas de axudas para a mellora da accesibilidade de recursos e empresas turísticas. Para os profesionais levarán a cabo xornadas de sensibilización, así como formación específica sobre lexislación e atención ao cliente con discapacidade e necesidades diversas.
Do mesmo xeito, inclúese a edición de guías de boas prácticas para o turismo accesible, a posta en marcha de aplicacións para a mellora da accesibilidade, a inclusión de contidos de turismo accesible no portal do destino, deseño de material promocional dirixido a persoas con discapacidade, así como presencia nas principais feiras turísticas e especializadas en accesibilidade, entre outras. No campo do Camiño de Santiago, inclúese, entre outras, o impulso formativo aos profesionais do sector no Camiño de Santiago, con cursos de protocolo e atención ao cliente con discapacidade, cursos sobre normativa e avaliación da accesibilidade. Axencias especializadas en turismo accesible
Viaxe de familiarización con axencias especializadas
Tamén se recollen melloras na sinalización, para que esta sexa accesible e que inclúa planos comprensibles; na sinalización externa e interna nos aloxamentos; na información do grao de accesibilidade dos establecementos; nos puntos de interese turístico no Camiño, así como nos pavimentos en tramos máis accesibles. En materia de promoción, tamén se impulsará o contacto con asociación de persoas con discapacidade e con axencias especializadas en materia de turismo accesible. Neste sentido, Galicia será o destino de varios operadores especializados e asociacións de persoas con mobilidade reducida, que participarán nunha viaxe organizada por Turismo de Galicia para coñecer a oferta de turismo accesible da nosa comunidade.
En concreto, nesta viaxe participan os operadores e axencias de viaxes especializadas neste tipo de turismo AccesibleMadrid, Touradapt, Accesitravel e Travel Xperience. A acción centrarase nas rutas turísticas de turismo cultural e patrimonial para persoas con mobilidade reducida na costa galega.
Na actualidade existe un mercado potencial de 138 millóns de persoas na Unión Europea con necesidades de acceso, cun incremento interanual de 1,2% ata 2020, as cales realizan unha media de 7,15 viaxes ao ano que representan un importante nicho de mercado ao que dirixir unha oferta turística especializada.
A Xunta aproba a ampliación do IFEVI para consolidar eventos de referencia como Conxemar ou Navalia
IFEVI, o Recinto Feiral de Vigo, contará cunha ampliación de 5000 metros cadrados que lle permitirán contar un novo pavillón e un maior especio expositivo. Tras a aprobación por parte do Consello da Xunta, a obra, que suporá un investimento de 4,1 millóns de euros, depende da cesión dos terreos por parte do Concello de Vigo. A obra, a cargo da Consellería de Economía, Emprego e Industria, conta xa cos informes favorables tanto do concello como dos diferentes órganos sectoriais e permitirá incrementar a competitividade do recinto feiral vigués, nunha clara aposta por consolidar eventos de tanto peso como Conxemar ou Navalia.
As obras serán licitadas pola Axencia Galega de Infraestruturas e manterán a configuración actual das instalacións engadindo un pavillón anexo ao pavillón número 2 que contará cunha superficie de 5000 m 2 . Calcúlase que a ampliación terá un impacto nos sectores hoteleiro e hostaleiro de Vigo de máis de dous millóns de euros ao ano. Ifevi acolle importantes citas como Conxemar, que contou en 2016 con 583 expositores de 43 países distintos, ou Navalia, que prevé reunir na súa sétima edición, prevista para maio de 2018, máis de 25.000 profesionais e 500 expositores de todo o mundo. Estas melloras permitirán abrir novas oportunidades de negocio, beneficiando así o conxunto do tecido económico empresarial tanto da comarca como de Galicia, e sectores estratéxicos como o pesqueiro, o conserveiro ou o naval. As obras de ampliación do Ifevi dan continuidade aos traballos que xa realizou a Xunta, que desde 2005 investiu 11,5 millóns de euros no recinto para impulsar a modernización e a mellora das instalacións.
Acordo entre Naviera Nabia e FEGATUR para incrementar as estancias no turismo rural
A Federación Galega de Turismo Rural (FEGATUR) e a Naviera Nabia ven de asinar un acordo polo cal as casas asociadas a FEGATUR poderán beneficiarse da venda de billetes as Illas Cíes, Illas Ons e outras excursións organizadas por esta empresa a través da súa plataforma a un mellor prezo.
A través deste acordo, FEGATUR pretende aumentar o número de noites do turista en establecementos de turismo rural facilitando a reserva e compra de excursións pola ría e billetes para coñecer o Parque Nacional Marítimo-Terrestre das illas Atlánticas de Galicia, sen necesidade de cambiar ou buscar outro aloxamento, ofrecendo alternativas ao turista para prolongar a súa estancia en Galicia.
O acordo supón unhas condicións máis vantaxosas para os clientes de turismo rural que tramiten os seus billetes a través das casas federadas. Éstes disporán dun código de desconto especial que deberán solicitar a FEGATUR.
Ao mesmo tempo a Naviera Nabia tamén pon a nosa disposición o seu escaparate para mostrar o turismo rural a todos aqueles que vaian en algun barco da compañía. Neste sentido está a traballarse nunha campaña de promoción a través de diferentes concursos que terán lugar ao longo do verán, seguindo a iniciativa do ano pasado, Turismo Rural, Agora Tamén
Bloggers ingleses descobren a Ruta do Viño Rías Baixas e a Mancomunidade do Salnés
Catro bloggers ingleses descubriron estes días as potencialidades da Ruta do Viño Rías Baixas e a mancomunidade do Salnés nunha visita coorganizada por Turespaña en Reino Unido na que participaron Luiz Hara, Sarah Le, Laura Le e Michael Turtle que puideron descubrir así o patromonio cultural, histórico e, por suposto, vitivinícola deste territorio.
O itinerario deste blogue trip deulles a oportunidade aos seus participantes de coñecer de preto o proceso de elaboración dos viños da Denominación de Orixe Rías Baixas en catro adegas asociadas á Ruta. O programa tamén incluíu visita a miradoiros e carreiros, ademais de clases de cociña tradicional galega, que valoraron moi altamente. A viaxe finalizou cun percorrido a pé pola Ría de Arousa da man de Guimatur, Asociación Cultural “Mulleres do Mar de Cambados” no que se lles mostrou o duro traballo que desenvolven a diario para ofrecer aos consumidores o mellor marisco da ría. Unha experiencia que, como o resto, puideron comentar coas autoridades que lles recibiron nunha visita oficial a Cambados coa que concluíu a súa visita a Galicia.
