Os viños galegos únense ao brinde colectivo do Día Movemento Viño D.O

30425109_2131382757092613_3887291468548922711_o

Os viños galegos únense ao brinde colectivo do Día Movemento Viño D.O

Impulsado pola Conferencia Española de Consellos Reguladores Vitivinícolas (CECRV) o próximo 12 de maio celebrarase a segunda edición do DÍA MOVEMENTO VIÑO D.O, unha iniciativa que quere converterse nunha xornada festiva, popular e participativa que terá lugar en distintos puntos da xeografía española e na que brindaremos todos xuntos ás 13:30 polo viño con Denominación de Orixe e por MOVEMENTO VIÑO D.O. A iniciativa, coa que quere impulsarse a cultura do viño en España, como parte da nosa gastronomía e do noso turismo, conta co apoio de 26 denominacións de orixe nacionais, entre as que se contan catro do cinco DO’S galegas, Rías Baixas, Ribeiro, Monterrei e Ribeira Sacra.

Ese día cada unha delas organizou un acto de celebración. Así, no caso do Ribeiro, en colaboración co Concello de Ribadavia, organizarase unha pequena feira onde se poderán adquirir tikets e copas para a degustación tanto de viño branco como veu tinto a prezos populares. Un DJ amenizará a xornada e cada media hora faranse sorteos de lotes de viño e merchandising entre o público participante. En Monterrei a cita é no interior da sede do Consello Regulador ás 13:30 cun brinde colectivo mentres que en Rías Baixas a celebración comezará ás 13h con música en directo e minutos antes de que se celebre o brinde ás 13:30 o público recollerá os catavinos. A finalizar o brinde, haberá tocará en directo o grupo “A Casa dos Ingleses”.

Pola súa banda Ribeira Sacra celebrarao coincidindo coa XXV Mostra dos Viños da Ribeira Sacra de Pantón cunha presentación do presidente e continuará co brinde ás 13:30. Para pechar haberá unha actuación musical.

Share on FacebookShare on Google+Tweet about this on TwitterShare on LinkedIn