A Consellería de Cultura e Turismo asina convenios cos 11 xeodestinos para o impulso de actividades de promoción turística nun centenar de concellos

11,00 h.- O conselleiro de Cultura e Turismo, Román Rodríguez, acompañado da directora da Axencia Turismo de Galicia, Nava Castro, e do director xeral de Desenvolvemento Rural, Miguel Pérez Dubois, asinará 11 convenios de colaboración con distintos xeodestinos da Comunidade. Asistirán representantes de Ancares-Courel, As Mariñas, Condado-Paradanta, Celanova-Baixa Limia, Deza-Tabeirós, Manzaneda-Trevinca, O Ribeiro, Ría de Muros-Noia, Ría de Vigo e Baixo Miño, Terras de Santiago e Verín-Viana. Na Sala Eisenman (Monte Gaiás, s/n).
foto xoán crespo
12/07/2019

A Consellería de Cultura e Turismo asina convenios cos 11 xeodestinos para o impulso de actividades de promoción turística nun centenar de concellos

O compromiso da Xunta suporá un investimento de máis de medio millóns de euros

Co obxectivo de difundir o potencial turístico dos concellos que conforman os xeodestinos galegos, os espazos turísticos delimitados pola Xunta de Galicia, o departamento dirixido por Román Rodríguez asinou un total de 11 convenios cos representantes dos geodestinos de Ancares-Courel, As Mariñas, Condado-Paradanta, Celanova-Baixa Limia, Deza-Tabeirós, Manzaneda-Trevinca, O Ribeiro, Ría de Muros-Noia, Ría de Vigo e Baixo Miño, Terras de Santiago e Verín-Viana.

O obxectivo destes convenios, que suporán un investimento de máis de medio millóns de euros, é o de realizar actividades de promoción en máis dun cento de concellos do catro provincias englobados nos diferentes xeodestinos. Neste sentido Rodríguez destacou o bo ritmo de crecemento do sector e as súas perspectivas para este verán, á vez que destacaba o compromiso da Xunta de seguir colaborando na posta en valor dun turismo tranquilo, responsable e competitivo. Nesta liña, o conselleiro lembrou a importancia do turismo rural, que no que vai de ano medrou un 10% con respecto ás cifras de 2018 sendo a modalidade turística que experimentou un maior crecemento.

Neste sentido, Román Rodríguez destacou que a figura dos xeodestinos é “clave” na promoción dun modelo turístico baseado na especialización e a mellora da competitividade da oferta, na diversificación de fluxos turísticos ou na desestacionalización da demanda, para facer de Galicia un destino atractivo os doce meses do ano.

Share on FacebookShare on Google+Tweet about this on TwitterShare on LinkedIn