Compostela recolle o premio á reputación en liña

premio trivago

Compostela recolle o premio á reputación en liña

A capital galega presentou en Fitur o acordo con Lufthansa polo que Compostela quedará conectada con Frankfurt ou Munich a partir de marzo

Santiago de Compostela recibiu en Fitur o premio ao destino con mellor reputación en liña en España da man de Trivago.es, un recoñecemento que o portal de procuras entregoulle aos respresentantes municipais e da Asociación Hostalaría Compostela na caseta de Galicia nun acto no que estivo presente a directora de Turismo de Galicia, Nava Castro.

O premio, recollido polo rexedor compostelán, Martiño Noriega, acompañado da concelleira de turismo, Marta Lois, e da presidenta da Asociación Hostalaría Compostela, Sara Santos, valora
un dos factores que máis inflúe na toma de decisións dos viaxeiros, a reputación en liña. Todos eles destacaron o esforzo dos hostaleiros para facer de Santiago unha cidade acolledora así como a necesidade de seguir traballando para fidelizar a estes viaxeiros.

Os premios Trivago Online Reputation Awards concédense a partir dun estudo de reputación online que mostra a valoración de plántaa hostaleira dun destino e obtense a partir de todas as opinións vertidas por viaxeiros en Internet ás que ten acceso Trivago. Na análise tivéronse en conta máis de 9.000 cidades de todo o mundo e máis de 200 millóns de opinións procedentes de portais de reserva online. O ranking final aglutina 100 cidades e nel obsérvase que as cidades españolas representadas manteñen unhas valoracións que se moven entre os 81 e 83 puntos, con todo, é Santiago de Compostela (83.72) a que despunta con diferenza superando a puntuación de cidades como Kioto (83.40), Varsovia (83.38), Lisboa (83.16), Bogotá (82.81) ou Washington D.C. (82.44).

Acordo con Lufthansa

Ademais, Compostela ha aproveitando o seu espazo en Fitur para anunciar as novas conexións da compañía alemá Lufhansa en Compostela, que, desde finais de marzo, unirán a capital de Galicia tres veces por semana coa súa ‘hub’ internacional de Frankfurt e unha vez por semana co de Munich. Un acordo moi importante, a dicir da entidade municipal, se temos en conta o crecemento do mercado internacional. Neste sentido, a concelleira de Turismo, Marta Lois, que foi a encargada de presentar o acordo, destacou que o mercado alemán foi un dos motores do crecemento do turismo internacional en Santiago, pasando de 50.000 pernoctaciones de turistas xermanos en 2012 e uns 15.000 peregrinos a 80.000 pernoctaciones e máis de 20.000 peregrinos en 2016.

Share on FacebookShare on Google+Tweet about this on TwitterShare on LinkedIn