Enmarcadas no Plan MAT e impulsadas polo IGAPE e a Consellería de Cultura e Turismo, están orientadas a mellora de servizos, accesibilidade e implantación de medidas de mellora enerxética, principalmente.

Co obxectivo de seguir avanzando na construción dun destino máis competitivo e de maior calidade, a Xunta de Galicia publicou dúas novas liñas de axuda dentro do Plan MAT de Mellora de Aloxamentos Turísticos, que implican a cinco departamentos da Xunta e que suporán un investimento de 4 millóns de euros que se xestionarán a través das Consellerías de Cultura e Turismo, Economía, Medio Rural e Mar, así como a Amtega.
En concreto, a Consellería de Economía, Emprego e Industria, a través do Instituto Galego de Promoción Económica (Igape), impulsa o programa Reforma TUR 2019, unha iniciativa pioneira que contará cun investimento de 3 M€ para facilitar a mellora e modernización de servizos de 500 establecementos hostaleiros (hoteis, hoteis balneario e hoteis talaso) cun máximo de 40 prazas, así como instalacións de turismo rural e albergues privados situados no Camiño de Santiago. O programa dotado con 24 millóns de euros pretende estimular a actividade económica non só o sector turístico se non nas empresas adheridas ao programa que proverán dos materiais para as reformas dos establecementos.
O prazo para a presentación de solicitudes de axuda está aberto desde o 29 de xaneiro ata o 28 de marzo, mentres que os establecementos hostaleiros poderán solicitar as auyudas do 28 de febreiro ata o 30 de abril. As solicitudes dos beneficiarios deberán presentarse nos establecementos adheridos ao programa. Pode consultarse en https://www.xunta.gal/dog/publicados/2019/20190128/ AnuncioO92-211218-0003_ gl.html.
Mellora da accesibilidade e sustentabilidade
Pola súa banda, a Consellería de Cultura e Turismo lanza unha orde de subvencións dun millón de euros, en concorrencia competitiva, para actuacións de mellora das infraestruturas dos establecementos turísticos de aloxamento regrado da Comunidade. A través dela, poderán cubrirse investimentos dirixidos a accións de accesibilidade e supresión de barreiras arquitectónicas nestes negocios; obras para a optimización das instalacións coa finalidade de obter certificacións de calidade, en especial a Q de Calidade Turística; ou actuacións para incrementar a clasificación do establecemento e elevar a súa categoría. Comprende, así mesmo, iniciativas de climatización que favorezan a sustentabilidade coa implementación de medidas de aforro enerxético; a modernización das instalacións e do embelecemento da contorna ou a renovación dos equipamentos mobles necesarios para o funcionamento do establecemento de aloxamento nas súas diferentes tipoloxías.
Podes consultar un resumo desta liña de axudas neste documento, no que se indican beneficiarios, criterios de valoración e prazos de presentación. O prazo de presentación de solicitudes desta segunda liña será dun mes contado a partir do día seguinte ao da publicación da resolución no Diario Oficial de Galicia (DOG). Está dispoñible para a súa consulta en https://www.xunta.gal/dog/publicados/2019/20190128/ AnuncioG0256-150119-0001_ gl.html
Obxectivos do Plan MAT
O Plan MAT comprende preto de vinte liñas de axudas para a creación ou mellora de establecementos de aloxamento, a través de subvencións e instrumentos financeiros. Igualmente, ve acompañado de numerosas actuacións tales como a creación dun mapa interactivo de axudas que permita ao sector coñecer polo miúdo os recursos dispoñibles; actividades formativas, xornadas de networking global e sectorial, encontros informativos con expertos, difusión de boas prácticas, recoñecemento e distinción da excelencia; cursos de especialización a cargo de entidades de prestixio como o Centro Superior de Hostalería de Galicia ( CSHG), formación e xornadas de sensibilización en accesibilidade, actividades orientadas á innovación e de apoio á xestión e actualización continua ou divulgación. Establécense, ademais, actuacións en campos singulares para o aproveitamento dos aloxamentos turísticos nos Camiños de Santiago, termalismo, turismo e mocidade (festivais, deportes…) e turismo científico (ornitoloxía, astronomía, xeoloxías ou patrimonio industrial).
28 de Xaneiro de 2019
habitación hotel

A Xunta lanza dúas liñas de axuda para a mellora dos aloxamentos turísticos por importe de 4 millóns de euros

Enmarcadas no Plan MAT e impulsadas polo IGAPE e a Consellería de Cultura e Turismo, están orientadas a mellora de servizos, accesibilidade e implantación de medidas […]
16 de Xaneiro de 2019
16299706_10158162393600437_2650640470300313431_o

A Xunta destinará 3 millóns de euros en axudas ás entidades locais para melloras nas infraestruturas turísticas do rural

A Consellería de Cultura e Turismo, a través da Axencia Turismo de Galicia, vén de abrir a convocatoria de subvencións para 2019 destinada a axudar ás […]
15 de Xaneiro de 2019
xacobeo 21

A Xunta abre a convocatoria de subvencións do programa O teu Xacobeo

A Consellería de Cultura e Turismo publica hoxe no Diario Oficial de Galicia a convocatoria de subvencións a proxectos novos de dinamización do Xacobeo 2021 dentro do programa […]
09 de Xaneiro de 2019
Plan de formación 2017

Cultura e Turismo pon en marcha talleres formativos para profundar nas oportunidades empresariais na atención ao peregrino

Os asistentes reciben de maneira participativa as ferramentas necesarias para ofrecer un servizo de calidade aos viaxeiros e peregrinos A Consellería de Cultura e Turismo, a […]