A Consellería de Cultura e Turismo, a través da Axencia Turismo de Galicia, vén de abrir a convocatoria de subvencións para 2019 destinada a axudar ás entidades locais a mellorar as súas infraestruturas turísticas para o que destinará un total de tres millóns de euros, un 20% máis que a partida inicial que se destinara o ano pasado para o mesmo fin.
Como se publica hoxe no Diario de Galicia (DOG) poderán optar en réxime de concorrencia competitiva tanto os concellos, mancomunidades e consorcios locais con competencias en materia de turismo, como as agrupacións de concellos aos que se lles axudará a recuperar e mellorar a accesibilidade e sinalización dos recursos turísticos no medio rural.

Deste xeito, subvencionaranse as actuacións de embelecemento dos accesos aos recursos turísticos, incluíndo a recuperación e tratamento paisaxístico, a iluminación ornamental, a recuperación e creación de miradoiros paisaxísticos, sendeiros, rotas ou outros elementos de interese turístico. Tamén se axudará na adecuación de espazos para estacionamento de vehículos coa finalidade sexa reducir o impacto negativo que estes producen.
As axudas de Cultura e Turismo tamén sufragarán actuacións de embelecemento dos Bens de Interese Cultural ou cun procedemento de declaración xa iniciado que pode consistir en accións como o embelecemento de vías ou soterramento dos contedores de residuos e eliminación do cableado aéreo e antenas de comunicacións, entre outras. Tamén se subvencionarán actuacións de posta en valor turístico dos recursos incluíndo a recuperación de elementos de interese etnográfico ou da arquitectura tradicional.
Do mesmo xeito se inclúen actuacións de mellora da accesibilidade, coa eliminación de barreiras arquitectónicas no acceso aos bens, recursos e rutas turística. Esta liña de axudas comprende igualmente a sinalización nas condicións que se indican nas bases publicadas.
Un total de 164 entidades locais beneficiáronse o ano pasado desta liña de subvencións que contribúen á diversificación da oferta turística galega, de xeito que todos os galegos e galegas poidan experimentar os beneficios económicos, sociais e culturais que a actividade turística pode supoñer, especialmente no rural. O prazo para presentar solicitudes será dun mes, contado a partir do día seguinte ao da súa publicación no Diario Oficial de Galicia.

16 de Xaneiro de 2019
16299706_10158162393600437_2650640470300313431_o

A Xunta destinará 3 millóns de euros en axudas ás entidades locais para melloras nas infraestruturas turísticas do rural

A Consellería de Cultura e Turismo, a través da Axencia Turismo de Galicia, vén de abrir a convocatoria de subvencións para 2019 destinada a axudar ás […]
15 de Xaneiro de 2019
xacobeo 21

A Xunta abre a convocatoria de subvencións do programa O teu Xacobeo

A Consellería de Cultura e Turismo publica hoxe no Diario Oficial de Galicia a convocatoria de subvencións a proxectos novos de dinamización do Xacobeo 2021 dentro do programa […]
09 de Xaneiro de 2019
Plan de formación 2017

Cultura e Turismo pon en marcha talleres formativos para profundar nas oportunidades empresariais na atención ao peregrino

Os asistentes reciben de maneira participativa as ferramentas necesarias para ofrecer un servizo de calidade aos viaxeiros e peregrinos A Consellería de Cultura e Turismo, a […]
02 de Xaneiro de 2019
QdeCalidad

Cultura e Turismo apoiou a preto de 200 empresas galegas no seu proceso de certificación da Q de Calidade

Un total de 172 empresas do sector turístico galego foron as beneficiarias da convocatoria de axudas convocadas este ano pola Consellería de Cultura e Turismo, a […]