Cultura e Turismo aumenta até os 460.000 euros a cantidade destinada aos contratos cos eventos asociados á marca

Até o próximo 2 de febreiro está aberto o prazo para presentar solicitude de adhesión á terceira tempada de Fest Galicia que este ano conta cun incremento de orzamento de até 460 mil euros, un 31% máis que na edición pasada, co obxectivo de impulsar eventos musicais de calidade.

A resolución conxunta de Agadic e a Consellería de Cultura e Turismo incorpora tamén novidades en canto aos requisitos que deben cumprir os festivais que soliciten a súa adhesión ao programa, entre os que destaca a inclusión dun mínimo de seis artistas galegos e a necesidade de contar cun plan de igualdade e sustentabilidade. Os solicitantes deben reunir, así mesmo, outra serie de condicións relativas ao seu orzamento e solvencia económica, programación e venda de entradas, redución do impacto ambiental ou cumprimento da normativa en materia de espectáculos públicos, entre outras. Os eventos musicais deberán desenvolverse, ademais, entre o 1 de xuño e o 30 de setembro deste ano e as solicitudes deberán presentarse obrigatoriamente a través da sede electrónica da Xunta de Galicia (código de procedemento: CT302A).

Contratos de patrocinio
O apoio económico materializarase na firma de contratos de patrocinio cos eventos que reúnan unha serie de criterios definidos na resolución conxunta da Axencia Galega das Industrias Culturais (Agadic) e Turismo de Galicia. Con esta nova convocatoria dáse continuidade a esta iniciativa da Xunta para promover o turismo musical de acordo con criterios de calidade, sustentabilidade e responsabilidade social.

A finalidade de FEST Galicia é promover un turismo musical sustentable, liderado por festivais estratéxicos para a nosa Comunidade dentro dunha iniciativa transversal na que se implican varios departamentos da Xunta de Galicia. O ano pasado presentáronse baixo esta marca 12 citas musicais do catro provincias.

16 de Xaneiro de 2020
fest galicia festivales música PorAmerica

Aberta convocatoria de adhesión á nova tempada de FEST Galicia, que incrementa nun 31% a dotación para patrocinio de festivais

Cultura e Turismo aumenta até os 460.000 euros a cantidade destinada aos contratos cos eventos asociados á marca Até o próximo 2 de febreiro está aberto […]
26 de Decembro de 2019
finca goleta turismo rural

A Xunta abre unha nova orde de subvencións de máis de 1 millón de euros para impulsar o turismo nos geodestinos galegos

Os beneficiarios poderán acceder até a 150.000 euros para crear ou consolidar produtos turísticos, profundar na formación do sector, mellorar a implantación das tecnoloxías, avanzar na […]
12 de Decembro de 2019
acuerdo aphel

Un cento de persoas desempregadas recibirán formación en hostalaría a través de Dimo Lugo V, impulsado pola APEHL e Xunta de Galicia

A administración autonómica financia con 250.000 euros o programa que se prolongará durante un ano co obxectivo de alcanzar unha inserción laboral mínima do 45% Como […]
10 de Decembro de 2019
oficina de turismo pontevedra

Aberto o prazo para optar ás 15 bolsas de formación nas oficinas de Turismo de Galicia e na área de estudos estatísticos

Turismo de Galicia decidiu duplicar a oferta de prácticas tuteladas nas oficinas que a Comunidade autónoma xestiona na Coruña, Lugo, Ourense, Pontevedra e Vigo. Tamén se […]