A Comisión Sectorial de Turismo celebrada na sede do Ministerio de Industria, Comercio e Turismo en Madrid aprobou a creación dun grupo de traballo específico de turismo no que estean representadas todas as Comunidades autónomas españolas e que se centrará na preparación do Xacobeo 2021.

Durante a reunión tamén se aprobou o sistema de sinalización turística homologada (SISTHO), no que se inclúe a ruta cicloturista Eurovelo ao seu paso por Galicia e informouse sobre a conxuntura turística española así como a conveniencia de levar a cabo medidas para aplicar a Axenda 2030 de Desenvolvemento Sustentable no campo turístico.

Na Comisión Sectorial de Turismo, na que participaron directores e secretarios xerais de turismo de diferentes comunidades autónomas españolas entre os que se estivo presente a directora de Turismo de Galicia, Nava Castro, abordáronse igualmente temas como as normativas das vivendas de uso turístico que no caso de Galicia están a ser reguladas de maneira eficaz a través do decreto en vigor desde 2017, que está a protexer aos usuarios e aos empresarios do intrusismo profesional e velando pola convivencia de usos nas máis de 7.700 vivendas rexistradas. As festas de interese turístico nacional e internacional ou as consecuencias do Brexit no mercado turístico español foron outros dos asuntos abordados no encontro.

A creación deste grupo de traballo alíñase co obxectivo da Consellería de Cultura e Turismo que avanza para que todo o Estado poda implicarse na organización deste acontecemento. Así, de maneira paralela, tamén se solicitou ao Ministerio de Industria, Comercio e Turismo que o Consello Xacobeo, no que até o momento están representadas as comunidades polas que pasa o Camiño de Santiago, tamén se abra á participación de todo o territorio español para que poida implicarse na celebración do Ano Santo.

01 de Abril de 2019
20190328ComisionSectorialTurismo02

A Comisión Sectorial de Turismo acorda crear un grupo de traballo para implicar a todas as comunidades no Xacobeo 21

A Comisión Sectorial de Turismo celebrada na sede do Ministerio de Industria, Comercio e Turismo en Madrid aprobou a creación dun grupo de traballo específico de […]
29 de Marzo de 2019
Memoria Expourense 2018

Expourense organizou a metade das feiras internacionais celebradas en Galicia

A Fundación Expourense fixo balance das súas actividades en 2018, ano no que os eventos e competicións deportivas celebrados no recinto feiral ourensán recibiron máis de […]
28 de Marzo de 2019
puntuaciones medias 2018 Tripadvisor

Galicia ocupa o sexto posto no ranking de valoracións dos viaxeiros no estudo anual de Tripadvisor

O portal de viaxes recolle que Canarias, A Rioxa, Andalucía, Asturias, Estremadura e Baleares son as rexións españolas mellor valoradas Os restaurantes das Illas Canarias, Baleares […]
27 de Marzo de 2019
Consello Rector Turismo de Galicia

Turismo de Galicia abre a participación do seu Consello Reitor ao sector privado, a Fegamp e as deputacións provinciais

O conselleiro de Cultura e Turismo, Román Rodríguez, presidiu a reunión deste órgano na que se repasaron as últimas estatísticas e os plans postos en marcha […]