O proxecto de Lei de aproveitamento lúdico das augas termais de Galicia comeza a súa tramitación parlamentaria. A nova normativa é pioneira en España á hora de ordenar o uso lúdico das augas termais e complementa a regulación existente no campo da súa utilización con fins terapéuticos non balnearios -dando resposta á nova realidade dun sector de actividade que presenta grandes potencialidades asociadas ao benestar e ao lecer-. Así, quere distinguirse entre as augas termais destinadas a usos terapéuticos e preventivos, cun aproveitamento realizado en exclusiva en establecementos balnearios, das augas termais destinadas a usos lúdicos, que se aproveitan en espazos e piscinas termais.

Estas últimas son as que se regulan neste proxecto de lei, que determina as liñas xerais do procedemento administrativo de outorgamento das correspondentes concesións ou autorizacións, fíxanse os dereitos e deberes dos titulares dos aproveitamentos e prevese un réxime de inspección e sanción.

Do mesmo xeito, a nova normativa establece un procedemento simplificado para a regularización dos aproveitamentos lúdicos preexistentes, outorgando un prazo dun ano.

Galicia como referente termal

A iniciativa supón un importante paso que permitirá ‘converter Galicia nun referente termal así como consolidar o turismo neste sector’, segundo indicou o  conselleiro de Economía, Emprego e Industria, Francisco Conde. Conde destacou a importancia de avanzar nun campo como o termalismo, no que a Xunta está a traballar desde hai anos para o seu impulso turístico ao amparo do Plan de Turismo Termal, co que se contribúe á formación do sector co apoio á Cátedra de  Hidrología Médica da Universidade de Santiago, recuperación e aumento da capacidade  alojativa dalgúns balnearios galegos, a colaboración no proxecto de xestión médica e documentación ou sinalización turística das vilas e recursos termais, entre outras.

Galicia é a maior potencia termal de España con 300 captacións de augas  mineromedicinales, 21 balneario,  talasos con máis de 3.000 prazas hostaleiras, o que representa o 20% da oferta nacional e recibe anualmente preto de 150.000 usuarios. Ademais, 7 dos 33 balnearios de España coa  Q de Calidade Turística son galegos e Ourense é a segunda cidade europea con maiores reservas de augas  mineromedicinales, só por detrás de  Budapest.

15 de Agosto de 2019
termalismo

Avances no proxecto de Lei de aproveitamento lúdico das augas termais de Galicia

O proxecto de Lei de aproveitamento lúdico das augas termais de Galicia comeza a súa tramitación parlamentaria. A nova normativa é pioneira en España á hora […]
14 de Agosto de 2019
viviendas_turisticas Galicia

Crece a oferta de vivendas de uso turístico en Galicia, que alcanzan unha ocupación media en xullo do 70%

As vivendas de uso turístico creceron nos últimos meses en Galicia, chegando a un total de 9.075 segundo os datos do Rexistro de Empresas e Actividades […]
13 de Agosto de 2019
lugo

APEHL adianta unha previsión do 80% de ocupación media na provincia de Lugo para a ponte de Agosto

A Asociación Provincial de Empresarios de Hostalería e Turismo de Lugo ( Apehl) fixo públicos os datos de ocupación hoteleira na provincia durante o mes de […]
12 de Agosto de 2019
balance2019

Primeiro semestre de récord para Galicia: supera os dous millóns de visitantes e lidera os postos de crecemento en España. Pero sobre todo, medra en calidade

Galicia superou por vez primeira a barreira dos dous millóns de viaxeiros no primeiro semestre do 2019, segundo as cifras publicadas polo Instituto Nacional de Estatística […]