O balance empresarial do ano 2018 e perspectivas para o 2019 de Exceltur destaca o traballo realizado por Galicia e as boas perpectivas empresariais para 2019, a pesar dunha previsible desaceleración do turismo

Cando aínda coñecemos as últimas cifras de balance de 2018, que se pechou cunha nova marca na chegada de viaxeiros estranxeiros a España con 82,8 millóns de visitantes –case un millón de turistas máis que en 2017–, o que supón crecemento do 1,1% con respecto ao ano pasado, o sector mira xa a perspectiva deste 2019. E, segundo Exceltur, faio con optimismo aínda que coa mirada posta na recuperación dos competidores do Mediterráneo.

Segundo o informe de balance de 2018 e perspectivas turísticas para 2019 elaborado por Exceltur, asociación sen ánimo de lucro, formada por 23 das máis relevantes empresas de toda a cadea de valor turística, este ano, desde o punto de vista do sector turístico, estará marcado polo efecto da recuperación dos competidores e a desaceleración económica prevista para os mercados tradicionais de España, coa incógnita do Brexit, e as boas perspectivas para os mercados de media e longa distancia favorecidos pola multiplicación das conexións aéreas. O contexto económico de desaceleración previsto para os fogares españois suxire, ademais, un menor dinamismo no gasto asociado aos desprazamentos turísticos en 2019 das familias españolas, freando parte do crecemento experimentado en 2018.

A pesar da incerteza, apréciase un xeneralizado ton positivo nas previsións empresariais para o ano turístico 2019. O informe de Exceltur destaca, ademais, o esforzo levado a cabo por comunidades do interior, Galicia e Valencia, das que comenta ” que apostaron nos últimos anos polo reposicionamiento e reinvención de produto e a diversificación de mercados, reforzando a fidelización de demanda interior e unha maior presenza de demanda internacional”.

Neste contexto, Galicia sitúase como a terceira comunidade con maior previsión de subida de vendas, só por detrás de Estremadura e Madrid, cun aumento estimado do 3,6%. Nos beneficios atópase en cuarto lugar, preto do 3%. E é que as comunidades que lideraron a mellora de resultados en 2018 foron as do interior: Castela-A Mancha, que incrementan os seus resultados un +4,8%, Navarra o +3,6%, Estremadura +2,4% e Aragón +2,2%, segundo os datos recolleitos pola enquisa de Clima Turístico Empresarial realizada por Exceltur, mentres que na España Verde Galicia pecha un balance positivo con aumentos dos seus resultados empresariais do +1,9%, do mesmo xeito que o País Vasco +1,0%. Estes datos contrastan cos obtidos por outros CC.AA como Canarias, Baleares ou Cataluña, que pechan ano en negativo.

resumen CCAA

11 de Febreiro de 2019
informe exceltur

Galicia, terceira comunidade con mellor previsión turística para 2019

O balance empresarial do ano 2018 e perspectivas para o 2019 de Exceltur destaca o traballo realizado por Galicia e as boas perpectivas empresariais para 2019, […]
08 de Febreiro de 2019
Encuentro Miami

Apertura de contactos profesionais con Miami e Nova York no marco da viaxe institucional da Xunta

A delegación galega, na que estivo o Clúster Turismo de Galicia, participou nunha decena de encontros profesionais orientados especiamente ao sector do contract e o turismo […]
07 de Febreiro de 2019
Firma Termas  Río Hondo Fitur 2019

Arxentina interésase polos avances en competitividade e calidade do sector turístico galego

Unha delegación de Santiago del Estero asinou un protocolo de colaboración co Clúster Turismo de Galicia para avanzar en accións en común que lles permitan mellorar […]
06 de Febreiro de 2019
Inauguración Xantar 2019

Máis de 200 experiencias enogastronómicas para celebrar o 20º aniversario de Xantar

Unha ducia de países representados, con Brasil como país invitado, 15 restaurantes e máis de 200 experiencia gastronómicas. Son só algunhas das cifras do vixésimo aniversario […]