Co obxectivo de captar futuros estudantes para o Centro Superior de Hostalaría de Galicia, o centro e Turismo de Galicia puxeron en marcha Desafío Hotel Management, un concurso didáctico de xestión hostaleira dirixida a estudantes de primeiro e segundo de bacharelato con vocación no sector hostaleiro e restaurador.
Esta iniciativa, que permitirá que os mozo se convertan en donos dun hotel virtual, do que terán que encargarse da súa xestión, permitiralles demostrar “o seu talento e os seus dotes de traballo en equipo e vocación emprendedora”, segundo explicaron desde Turismo de Galicia. O prazo para que os alumnos poidan inscribirse está aberto até o próximo 8 de abril. O premio para o equipo gañador será un fin de semana no Hotel Hesperia da Coruña cunha visita ás instalacións a cargo do director do establecemento hoteleiro onde poderán afondar no funcionamento do mesmo. O prazo de inscrición comeza hoxe e finalizará o vindeiro venres 8 de abril.

Dinámica do concurso
Os estudantes participantes deberán formar grupos de tres ou catro participantes que se converterán no comité de dirección dun hotel. O xogo contará con dúas fases, a fase clasificatoria, que se realizará integramente a través da rede, introducindo as decisións na plataforma en liña do xogo, e a gran final na que participarán os equipos finalistas e que se realizará de maneira presencial nas instalacións do CSHG. Nesta fase clasificatoria terán que simular tres anos de vida dun hotel, unha por cada exercicio económico do hotel, e as súas decisións condicionarán os resultados económicos e a calidade de servizo do hotel.
Todos os equipos iniciarán o xogo cun hotel que se atopa na mesma situación inicial, e ao longo da competición deberán tomar decisións sobre as principais áreas de xestión do hotel, de modo que xogando e decidindo irán coñecendo como funciona e xestiónase un hotel e, sobre todo, irán aprendendo dos resultados que obteñan a partir das súas propias decisións.
Na fase final, que se realizará, o 14 de maio, nunha xornada de portas abertas nas instalacións deste Centro, cada equipo disporá dunha sala coma se dun consello de dirección tratásese, e enfrontaranse a unha simulación similar á da fase clasificatoria, pero cun nivel maior de dificultade.

Nova imaxe
Esta iniciativa nace co obxectivo de engadir á habitual campaña de captación de alumnos do CSHG unha nova maneira de darse a coñecer entre os futuros alumnos, dunha maneira máis práctica e didáctica. Outra das novidades do Centro para este ano 2016 é a renovación da súa imaxe corporativa que ademais de incluír un novo logo e un novo espazo web levará consigo o deseño de novos uniformes de prácticas para os alumnos.

29 de Febreiro de 2016
CSHG logo

Nova dinámica de captación de estudantes para o CSHG, que estrea imaxe e web

Co obxectivo de captar futuros estudantes para o Centro Superior de Hostalaría de Galicia, o centro e Turismo de Galicia puxeron en marcha Desafío Hotel Management, […]
29 de Febreiro de 2016
turismo-rural-ortigueira

Medra un 38% a ocupación en xaneiro nos aloxamentos turísticos rurais galegos

Galicia rexistrou este mes de xaneiro a mellor cifra de viaxeiros neste período desde 2009 2016 arrincou con bo pé para o sector turístico galego, especialmente […]
29 de Febreiro de 2016
240216turismo2

Rolda de contactos para a posta en marcha do proxecto do Monte do Gozo

O xerente do Xacobeo, Rafael Sánchez, mantivo contactos con diferentes entidades a fin de explorar sinerxías e colaboracións con colectivos sociais para a posta en marcha […]
26 de Febreiro de 2016
portada díptico

O II Encontro Clúster Turismo de Galicia estará centrado na comercialización do destino Galicia

A xornada, cuxo prazo de inscrición xa está aberto, desenvolverase no Auditorio Mar de Vigo o 17 de marzo A comercialización do destino turístico é un […]