O estudo cifra en 1,6M € o impacto económico no primeiro ano, coa creación de emprego, a proxección do destino e a captación de turismo estranxeiro

A Xunta de Galicia presentou o seu plan integral para rehabilitar e recuperar os usos do Cuartel de San Fernando, á vez que se mellorarán e ampliarán as infraestruturas culturais e turísticas de Lugo, transformando este Ben de Interese Cultural nun Parador-Museo do que financiaría o 50% do proxecto.

A proposta da Xunta busca desenvolver todo o potencial turístico de Lugo a través dunha proposta que recolle a creación dun Parador-Museo no Cuartel de San Fernando cun espazo de musealización in situ que permita difundir o valioso patrimonio achado entre os lucenses e os visitantes. Trataríase dun Parador de catro estrelas temáticamente orientado á romanización de Lugo e Galicia que, segundo as estimacións realizadas, suporía un impacto económico de 1,6M de euros no seu primeiro ano e xeraría un mínimo de 30 empregos directos, ademais do efecto multiplicador na zona.

Tal e como explicou o responsable de Cultura e Turismo, o custo aproximado deste proxecto roldaría os 10,8 millóns de euros e a Xunta comprométese a custear o 50% deste importe, mentres que o outro 50% debería ser achegado polas distintas institucións implicadas. Neste sentido, chamou á suma de vontades, o que contribuirá a impulsar a oferta cultural e turística da cidade, á vez que favorece a recuperación deste emblemático inmoble.

Un modelo acreditado de éxito
“Lugo é a peza que falta en Paradores”, declarou o conselleiro, quen destacou que a protección e posta en valor do BIC en San Fernando é “a motivación nuclear” do proxecto e detallou a súa incidencia no territorio, xerando de riqueza, dinamización cultural e proxección como destino urbano e cultural de referencia. Respecto diso, lembrou o éxito do modelo de Paradores, que conta na actualidade cun club de clientes fidelizados dun millón de membros e que consegue atraer a un gran número de visitantes, moitos deles estranxeiros, o que suporía un revulsivo para a oferta turística lucense e para a súa internacionalización, dotando á cidade da muralla de aproximadamente 45 habitacións e máis de 100 prazas, tres salóns para albergar un total de 175 persoas así como un restaurante e un salón de almorzos enfocados ao produto local con capacidade para 75 comensais.

En paralelo, o Proxecto integral para o impulso do turismo cultural en Lugo inclúe unha reformulación da oferta museográfica da cidade a través da creación dun museo da romanización a través da xestión compartida de varios centros, entre eles o Museo Interactivo da Historia de Lugo (MIHL), de titularidade municipal, o Castro de Viladonga, en Castro de Rei, de titularidade autonómica, ademais do Cuartel de San Fernando a través da musealización in situ dos achados.

Revitalización do barrio da Tinería
O plan inclúe, ademais, unha mellora das dotacións culturais e turísticas existentes na cidade aproveitando os proxectos de rehabilitación de edificios históricos que o Goberno galego está a acometer na cidade a través do Instituto Galego de Vivenda e Solo. O primeiro deles pasa por situar no Pazo de Dona Urraca a primeira sede do Centro Galego de Arte Contemporánea fóra de Santiago de Compostela tras 25 anos de acreditada traxectoria. Desta maneira, favoreceríase a dinamización do emblemático barrio da Tinería coa posta en marcha dun espazo novo dentro da proposta museográfica da cidade, que acollería exposicións de autores destacados a nivel nacional e internacional e permitiría a difusión de artistas locais, fomentando igualmente a creatividade.

Por último, propón que Casa-Torre do barrio da Tinería, que tamén está a ser obxecto de rehabilitación por parte da Administración autonómica, acolla a oficina de turismo da Xunta, ademais da sede da Asociación Provincial de Empresarios de Hostalaría de Lugo. Isto creará sinerxías co sector, avanzando nun modelo de colaboración público-privada que completaría o proxecto para impulsar o turismo enogastronómico.

17 de Decembro de 2019
Cuartel de San Fernando Lugo

A Xunta propón a rehabilitación do Cuartel de San Fernando para a súa transformación nun Parador-Museo en Lugo

O estudo cifra en 1,6M € o impacto económico no primeiro ano, coa creación de emprego, a proxección do destino e a captación de turismo estranxeiro […]
16 de Decembro de 2019
Xacobeo_2021

Avance da programación do Xacobeo 2021: 10 actividades ao día e 313 escenarios para unha celebración descentralizada

Para que o Xacobeo 2021 sexa para todos e con todos, desenvolverase o Xacobeo Cidades e o Xacobeo en Camiño á vez que a sustentabilidade será […]
11 de Decembro de 2019
asnauga paris 19

A asociación de Clubs Náuticos de Galicia (ASNAUGA), presente no Salón Náutico Internacional de París

ASNAUGA representou á náutica deportiva Galega no Salón Náutico Internacional de Paris, que se celebrou na capital francesa o 7 ao 11 de decembro, onde representantes […]
10 de Decembro de 2019
oficina de turismo pontevedra

Aberto o prazo para optar ás 15 bolsas de formación nas oficinas de Turismo de Galicia e na área de estudos estatísticos

Turismo de Galicia decidiu duplicar a oferta de prácticas tuteladas nas oficinas que a Comunidade autónoma xestiona na Coruña, Lugo, Ourense, Pontevedra e Vigo. Tamén se […]